कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
काठमाडाैं | मंसिर १३, २०८०
आफ्नै पार्टी नेपाली कांग्रेस र सत्तासाझेदार नेकपा (माओवादी केन्द्र)का दुईतर्फ अडानका बीच लुम्बिनी प्रदेशका मुख्यमन्त्री डिल्लीबहादुर चौधरी निरीह देखिन थालेका छन् ।
कमजोर भूमिकाका कारण आफ्नै पार्टीका नेताहरूले समेत उनलाई असफल नेतृत्व भन्न थालेका छन् । १४ वैशाख २०८० मा ८ दलका ५३ सांसदको समर्थनमा मुख्यमन्त्री नियुक्त भएका चौधरीले ८ महिनासम्म सरकारलाई पूर्णता दिन नसकेर ‘नयाँ रेकर्ड’ कायम गर्न पुगे ।
१० सदस्यीय मन्त्रिमण्डलमा ३ मन्त्रालय अहिलेसम्म खाली छन् । सरकार बनेको ८ महिना हुन लाग्दा समेत हाल कायम रहेकै मन्त्रालयमा मन्त्री नियुक्त गर्न नसक्नुमा चौधरीको कमजोरी मुख्य कारण रहेको नेपाली कांग्रेसका प्रदेश सभापति अम्मरसिंह पुनले बताए ।
३ मन्त्रालयमा मन्त्री नियुक्त गरेर सरकारलाई पूर्णता दिन निकै अप्ठ्यारोमा परेका मुख्यमन्त्री चौधरी आफ्नो दलको नीतिगत निर्णयलाई पन्छाएर अगाडि बढ्न सकेका छैनन् ।
३ मन्त्रालयमध्ये २ वटा कांग्रेस र एउटा माओवादीलाई दिएर मन्त्री परिषद्लाई पूर्णता दिइनुपर्ने कांग्रेसको अडान छ । तर, माओवादीले पनि अब २ दुई मन्त्रालय आफूलाई चाहिने दाबी गरिरहेको छ । बागी उम्मेदवारी दिएर निर्वाचित भएपछि माओवादीमै फर्किएका दीपेन्द्र पुनलाई मन्त्री बनाउन माओवादीले दुई मन्त्रालय मागेको हो ।
कांग्रेस लुम्बिनी प्रदेश समितिले निर्णय गरेरै मुख्यमन्त्री चौधरीलाई मन्त्रालय नबढाउन निर्देशन दिएको छ । ‘कांग्रेस लुम्बिनी प्रदेश समितिले भाग मिलाउने नाममा मन्त्रालय संख्या बढाउन नहुने नीतिगत निर्णय गरिसकेको छ,’ सभापति पुनले भने, ‘हामीले यो निर्णय मुख्यमन्त्री स्वयं र पार्टी केन्द्रीय नेतृत्वलाई समेत बुझाएका छौं ।’
माओवादी आफूहरूले कुन ३ मन्त्रालय पाउनुपर्ने दाबीबाट पछि हटेको छैन ।
‘यसअघि एमालेका लीला गिरी नेतृत्वको लुम्बिनी सरकारमा पनि हामीले तीन मन्त्रालय पाएका थियौं, अहिले पनि त्यो छाड्ने कुरा हुँदैन,’ माओवादी एक सांसदले भने ।
३ मन्त्रालय पाउनुपर्ने माओवादीको अडानले मुख्यमन्त्री गल्दै गएका छन् । बरु मन्त्रालय थपेर भए पनि सरकारलाई छिटो पूर्णता दिने मुडमा उनी देखिन्छन् । तर, यसो गर्दा आफ्नै पार्टी कांग्रेस अर्को बाधा बनेर उभिने खतरा उनीसामु छ ।
कांग्रेससँग मिलेर सरकार गठनका बेला ३ मन्त्रालय पाउने सहमतिपछि माओवादीले धनबहादुर मास्की, दीपेन्द्र पुन र कृष्णा केसीलाई मन्त्रीमा सिफारिश गरेको थियो ।
केही दिनअघि माओवादीका केन्द्रीय नेताद्वय वर्षमान पुन र ओनसरी घर्ती, मुख्यमन्त्री चौधरी, कांग्रेस प्रदेश सभापति अम्मरसिंह पुनबीच दाङको तुलसीपुरमा भएको छलफलले सरकारलाई पूर्णता दिने विषय टुंगो लगाउन सकेन ।
यति लामो अवधिसम्म मन्त्री परिषद्लाई पूर्णता दिन नसक्नु आलोचनाको विषय बनिरहेको छ ।
कांग्रेस माओवादीबाट मन्त्री बन्ने लाइनमा रहेका दीपेन्द्र पुनलाई सरकार प्रवेशमा रोक लगाउन चाहन्छ । मन्त्रालय संख्या बढाइन नहुने अडानको अन्तर्य यो पनि हो । एउटा मात्रै मन्त्रालय पाए बाँकेबाट निर्वाचित माओवादीकी कृष्णा केसी ‘नमूना’ मन्त्री बन्ने निश्चितजस्तै छ । कांग्रेसका प्रदेश सभापति पुन गत निर्वाचनमा रोल्पामा आफूलाई पराजित गरेका दीपेन्द्रलाई मन्त्रीका रूपमा स्वीकार गर्न चाहन्नन् । सोही कारण उनलाई मन्त्री बनाउन माओवादीले मुख्यमन्त्रीलाई दिँदै आएको दबाबलाई कांग्रेसले ‘माओवादीले गठबन्धन नचाहेको’ रूपमा अर्थ्याउन थालेको छ ।
गत निर्वाचनमा रोल्पामा कांग्रेस प्रदेश सभापति पुन गठबन्धनका साझा उम्मेदवार बनेका थिए । तर, आफूले टिकट नपाएको झोँकमा माओवादीका दीपेन्द्र पुनले पार्टी परित्याग गरी स्वतन्त्र उम्मेदवारी दिए । निर्वाचनमा सभापति पुन पराजित बने भने दीपेन्द्रले जीत हात पारे । चुनाव जितेपछि दीपेन्द्र माओवादीमै फर्किएका थिए ।
अर्कातर्फ सरकार बनेको एक वर्ष बित्न लाग्दा समेत संसदीय काममा महत्त्वपूर्ण मानिने संसदीय समितिहरू समेत बनेका छैनन् । सरकारले बिजनेस दिन नसक्दा प्रदेश सभाको हिउँदे अधिवेशन पनि शुरू भएको छैन ।
समितिका नाम मात्रै घोषणा गरेर सरकारले त्यसै रोकिराखेको अवस्था छ । नेपाली कांग्रेसका प्रमुख सचेतक जन्मजय तिमिल्सेनाले मन्त्रालय बढाउने कि नबढाउने भन्ने विषय टुंगो लगाउन नसक्दा सरकारले पूर्णता पाउन नसकेको बताउँछन् ।
‘मुख्यमन्त्री सरकारलाई पूर्णता दिन हतारिनुभएको छ,’ तिमिल्सेनाले भने, ‘बुटवलमा हुने कांग्रेसको प्रदेश सम्मेलनपछि सरकारले पूर्णता पाउँछ ।’
नेकपा एमालेका प्रमुख सचेतक तुलसी चौधरीले सरकार गठन भएयता बेथिति, विसंगति र मनपरी बढिरहेको बताए । ‘अहिलेको सरकारको काम गराई र शैली अपारदर्शी एवं असन्तुलित रहेको भन्ने गुनासो सर्वत्र छ । प्रदेश मातहतका सेवा प्रभावकारी नहुँदा जनतामा निराशा र आक्रोश बढिरहेको छ,’ चौधरीले भने ।
अहिले लुम्बिनी सरकारमा कांग्रेसबाट मुख्यमन्त्री चौधरीसहित २, माओवादी, नागरिक उन्मुक्ति, जसपा, लोसपा, जनमतबाट एक/एक जना मन्त्री रहेका छन् ।
एक/एक सांसद रहेका नेकपा एस र जनमोर्चालाई विषयगत समितिमा जिम्मेवारी दिएर मिलाउने तयारी छ । एमाले र राप्रपा सरकारबाहिर छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...