अख्तियार दुरुपयोग अनुसन्धान आयोगले बूढानीलकण्ठ नगरपालिकाका सव-इन्जिनियर टीकाराज राईलाई पक्राउ गरेको छ ।

उनलाई बूढानीलकण्ठ नगरपालिका ७ बाट बिहीवार ८० हजार रुपैयाँ घुससहित पक्राउ गरिएको आयोगका प्रवक्ता भोला दाहालले जानकारी दिए।

प्रवक्ता दाहालका अनुसार राईले घर निर्माण सम्पन्न प्रमाणपत्र दिनका लागि घुस मागेका थिए । 

सेवाग्राहीसँग घुस मागेको उजुरीका आधारमा आयोग टंगालबाट खटिएको टोलीले राईलाई पक्राउ गरेको हो ।

थप अनुसन्धान भइरहेको अख्तियारले जनाएको छ ।