मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
काठमाडाैं | पुस १४, २०८०
नेपाली कांग्रेसले पटक पटक अवसर पाएकालाई राष्ट्रिय सभामा उम्मेदवार नबनाउने निर्णय गरेको छ ।
केन्द्रीय कार्यालय सानेपामा तीन दिनसम्म बसेको बैठकले लामो समय पार्टीमा योगदान गरेका, अवसर नपाएकालाई राष्ट्रिय सभामा उम्मेदवार बनाउने गरी मापदण्ड बनाएको जानकारी पार्टी प्रचार विभाग प्रमुख मीन विश्वकर्माले दिए ।
‘हाम्रो तीन दिन लामो बैठक सकिएको छ । यसको विस्तृत निर्णय भोलि औपचारिक पत्रकार सम्मेलन गरेर सार्वजनिक गर्छौ’, विश्वकर्माले भने, ‘तर राष्ट्रिय सभामा अवसर नपाएका, लामो समय योगदान गरेका, पटक पटक छुटेका व्यक्ति समुदाय र भूगोललाई प्राथमिकता दिने र अवसर लिन नसकेकोलाई मूल्याङ्कन गर्ने मापदण्डमा सहमति भएको छ ।’ यस क्रममा यस अघि हारेकालाई होइन उम्मेदवार बनेका तर निर्वाचित हुन नसकेकालाई मूल्याङ्कन गर्ने जानकारी उनले दिए ।
कांग्रेस बैठकमा पटक पटक अवसर पाएकालाई फेरि पनि ११ माघमा हुने राष्ट्रिय सभाका निर्वाचनमा उम्मेदवार नबनाउन पार्टी नेतृत्वको ध्यानाकर्षण भएको थियो ।
शनिबार मात्रै १२ जना केन्द्रीय सदस्यले अहिलेसम्म अवसर नपाएकालाई राष्ट्रिय सभामा उम्मेदवार बनाउन पार्टी नेतृत्वको ध्यानाकर्षण गराएका थिए ।
राष्ट्रिय सभामा पटक पटक अवसर पाएकालाई फेरि पनि उम्मेदवार बनाउने तयारी भएपछि तीव्र विरोध भइरहेको छ ।
बैठकले सरकारमा कांग्रेस मन्त्रीको कार्यसम्पादन, राष्ट्रिय सभामा कस्तो उम्मेदवार छनोट गर्ने, महासमिति बैठक, समुदाय कांग्रेस अभियान अन्तर्गत माघ ७ देखि २२ सम्म गर्ने कार्यक्रम, समसामयिक विषयमा छलफल गरेको जानकारी उनले दिए ।
बैठकले जाजरकोट भूकम्पपीडितका लागि पार्टी घोषणा अनुसार एक हजार अस्थायी घर टहरा बनाउने घोषणा पूरा भएको र थप घर पनि बनाउने निर्णय गरेको जानकारी विश्वकर्माले दिए ।
सुशासन दिन सरकारको ध्यानाकर्षण
बैठकमा अधिकांश केन्द्रीय सदस्यले सरकार डेलिभरी दिन र सुशासन दिन चुकेको भन्दै सरकार र मन्त्रीको आलोचनामा उत्रिएका थिए । यसैले कांग्रेसले जनताले महसुस हुने गरी सुशासनमा काम गर्न सरकारको ध्यानाकर्षण गराएको छ ।
‘सुशासनका क्षेत्रमा देखिएका कमी र जनताले थाहा पाउने गरी सुशासन दिन सरकारको ध्यानाकर्षण गराएका छौँ’ विश्वकर्माले भने ।
साथै बैठकले ललितपुरको बालकुमारीमा दुई युवाको ज्यान जाने गरी भएको कमजोरीको निष्पक्ष छानबिन गर्न पनि सरकारको ध्यानाकर्षण गराएको छ ।
‘बालकुमारीमा दुई युवाको ज्यान गएको छ । यसमा कोबाट कमजोरी भएको हो ? विशेष छानबिन गर्न सरकारको ध्यानाकर्षण गराएका छौँ’ विश्वकर्माले भने ।
पार्टीले ९ वटा निर्णय गर्न लागेको भन्दै उनले आइतबार दिउसो १ बजे पत्रकार सम्मेलन गरेर निर्णय सार्वजनिक गर्ने जानकारी दिए ।
यसैबीच केन्द्रीय समितिको बैठकमा महामन्त्री गगन थापाले ८ महिनामा मन्त्रीले गरेका ८ वटा कामको सूची पेश गर्न पनि मन्त्रीहरूसँग माग गरेका छन् ।
अधिकांश केन्द्रीय सदस्यले मन्त्रीको कामलाई प्रश्न उठाइरहेका बेला महामन्त्री थापाले पनि मन्त्रीको काम सन्तोषजनक नभएको बताएका हुन् ।
‘तपाईंहरूले ७ महिनामा के गर्नुभयो ? गर्नुभएका ८ वटा कामको सूची दिनुस्’ थापाले भने, ‘एउटा लक्ष्य बनाएर अझै काम गर्छौ भनौं होइन सकिँदैन जस्ता लाग्ने हो भने मन्त्री फेरेर भए पनि अब नतिजा दिनुपर्छ । ठूलो दलको रुपमा अब कांग्रेस अग्रसर हुनुपर्छ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...