अख्तियार दुरुपयोग अनुसन्धान आयोगले फर्जी लाइसेन्स छानबिनका लागि यातायात व्यवस्था विभागमा छापा हानेको छ ।

अख्तियारको टोलीले बुधबार अपरान्ह मीनभवनस्थित विभागको कार्यालयमा छापा हानेको हो ।

झण्डै २ घण्टा लगाएर कागजात नियन्त्रणमा लिइएको अख्तियार स्रोतले लोकान्तरलाई जानकारी दियो ।

यातायात व्यवस्था विभागबाट ३० हजार लाइसेन्स वितरण गरिएको सम्बन्धमा लोकान्तर डट्कमले समाचार ब्रेक गरेको थियो ।

अख्तियारको टोली आएको विभागका महानिर्देशक उद्धवप्रसाद रिजालले पनि स्वीकारे ।

'उहाँहरू (अख्तियारको टोली) आउनुभएको हो । उहाँहरूले छानबिन गरिरहनुभएको छ । हामीले पनि सघाउने नै हो,' रिजालले लोकान्तरसँग भने । 

विभागकै अर्का एक कर्मचारीले अख्तियारको टोली आएर सम्बन्धित कागजात लैजानुका साथै सिस्टम हेरेर गएको बताए । 

पढ्नुहोस्, सम्बन्धित समाचार :

EXCLUSIVE: यातायातमा अहिलेसम्मकै ठूलो घोटाला– ६ महिनामा जारी भयो ३० हजार अवैध लाइसेन्स !

यातायात व्यवस्था विभागबाट यसरी बाँडिन्छ अवैध लाइसेन्स– भाग २ [प्रमाणसहित]

अख्तियारले रोक लगाएका लाइसेन्स गुपचुप नवीकरण, ट्रायलको मिति नआउँदै सिस्टममा पास [भाग ३]