कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | माघ ३, २०८०
त्रिभुवन अन्तर्राष्ट्रिय विमानस्थलको आगमन कक्षमा सशस्त्र प्रहरी बल खटाइएको छ । माघ १ गतेदेखि सशस्त्र प्रहरीले विमानस्थलको भन्सार कार्यालयलाई सहयोग गर्दै आएको छ ।
देशभरका सीमा नाकामा भन्सारलाई सहयोग गर्दै आएको सशस्त्रलाई विमानस्थलमा पनि चेकजाँचमा खटाउने निर्णय गृह मन्त्रालयले पुस २६ गते गरेको थियो ।
‘गृह मन्त्रालयको मन्त्रीस्तरीय निर्णयले सशस्त्र प्रहरीलाई खटाउने भनेपछि उहाँहरू खटिनुभएको हो,’ त्रिभुवन विमानस्थल भन्सार कार्यालयका प्रमुख भन्सारक टोकराज पाण्डेले लोकान्तरसँग भने ।
पुस १६ गते अर्थ मन्त्रालयले स्वीकृति दिएपछि गृह मन्त्रालयले निर्णय गरेको थियो ।
विमानस्थलमा साउन २ गते ६०.७१६ केजी सुन स्कूटर र मोटरसाइकलको ब्रेक शूमा राखेर तस्करी भएको थियो । त्यसभन्दा अगाडि विद्युतीय चुरोट (भेप)मा राखेर ९ केजी सुन तस्करी र पछिल्लो समय १४ केजी सुन तस्करी भएपछि विमानस्थलको भन्सार चेकजाँचमा सुरक्षा निकायको उपस्थिति हुनुपर्ने आवाज उठेको थियो । चर्को दबाबपछि सरकारले देशका अन्य ठाउँमा भन्सारलाई सहयोग गर्दै आएको सशस्त्र प्रहरीलाई विमानस्थलमा पनि राख्ने निर्णय गरेको हो ।
प्रमुख भन्सारक पाण्डेका अनुसार अहिले विमानस्थलमा सशस्त्र प्रहरी इन्स्पेक्टरको कमान्डमा ३० जनाको टोली खटिएको छ । त्यो टोलीले आगमन कक्षमा रहेका ४ वटा एक्सरे मशिनसहितमा बसेर चेकजाँचको काम गरिरहेका छन् । भन्सारले पछिल्लो समय आगमन कक्षमा नयाँ एक्सरे मशिन जडान गरेको छ ।
एक्सरे मशिनसँगै सशस्त्रले प्रत्येक शिफ्टमा ५ जनालाई चेकजाँचमा खटाइएको छ । उनीहरूलाई ३ शिफ्टमा सुरक्षामा खटाइएको प्रमुख भन्सारक पाण्डेले लोकान्तरलाई बताए ।
‘अहिले प्रत्येक शिफ्टमा ५ जनाले चेकजाँच गरिरहनुभएको छ,’ पाण्डेले भने ।
पाँचजनामा १ जना कमान्डर तथा महिलासहित अन्य प्रहरी कर्मचारी हुन्छन् । यसअघि चेकजाँचको काम गर्दै आएका सेक्युरिटी गार्डहरूलाई भने हटाइएको छ ।
जुत्ता फुकालेर जाँच गर्दै सशस्त्र प्रहरी
विमानस्थलमा चेकजाँचमा खटिएका सशस्त्र प्रहरीले शंका लागेको खण्डमा जुत्ता समेत खोलेर चेकजाँच गर्न थालेका छन् । विमानस्थलमा ओर्लिएर भन्सार हुँदै एक्सरे मशिनबाट बाहिरिनुपर्छ ।
मशिनमा हरियो बत्ती नबलेसम्म बाहिर निस्किन दिइँदैन । आवश्यक परेको खण्डमा शरीरमा भएका सबै सामानहरू र ब्यागेजमा भएका सामान पनि चेकजाँच भइरहेको छ ।
‘शंका लागेको खण्डमा हामीले तलदेखि माथिसम्मका सबै कपडाहरू खोल्न लगाएका छौं । अधिकांशको जुत्ता समेत खोल्न लगाएका छौं । त्यो शंका लागेका व्यक्तिहरूलाई हो, सबैलाई भने होइन,’ सुरक्षामा खटिएका एक सशस्त्र प्रहरीले लोकान्तरसँग भने ।
विमानस्थल भन्सारका प्रमुख भन्सारक टोकराज पाण्डेका अनुसार अहिले आउने यात्रुहरूको चेकजाँचका लागि ४ वटा मशिन चालू अवस्थामा छन् ।
‘अहिले हामीले विभिन्न तहमा ४ वटा एक्सरे मशिन जडान गरेर जाँच गर्दै आएका छौं,’ पाण्डेले लोकान्तरसँग भने, ‘ती मशिन जडान गरेपछि एकजना व्यक्ति सुरक्षा जाँचपास हुन अधिकतम १० मिनेट लाग्छ । शंकास्पद नभएमा कम समयमा पनि बाहिर आउन सकिन्छ ।’
एक नम्बर एक्सरेमा कर्मचारीहरू, विमानका क्याबिन क्रु, बिरामी र भीआईपीहरूको चेकजाँच हुन्छ । दुई र तीन नम्बर एक्सरे मशिनबाट नियमित चेकजाँच हुन्छ, जसमा विमानस्थल ओर्लिएर बाहिर आउने प्रत्येक व्यक्तिको चेकजाँच हुने गरेको छ । चार नम्बरको एक्सरे मशिनबाट भीडभाडको समयमा चेकजाँच गरिने प्रमुख भन्सारक पाण्डेले लोकान्तरलाई बताए ।
नियमित जाँच हुने कुनै पनि एक्सरे मशिनबाट पास भएर बाहिर आउन सकिन्छ । तर, भारतबाट आउने यात्रुले भने तोकिएको एक्सरे मशिनबाटै जाँचपास भएर जानुपर्छ ।
‘भारतबाट आउने यात्रुलाई भने केही समय लाग्न सक्छ, किनकि उहाँहरूलाई एउटै एक्सरे मशिनबाट चेकजाँच गर्ने व्यवस्था छ,’ पाण्डेले लोकान्तरसँग भने ।
सुरक्षा जाँचमा ‘चेक एन्ड ब्यालेन्स’
विमानस्थलमा सशस्त्र खटाएपछि सुरक्षा जाँचमा ‘चेक एन्ड ब्यालेन्स’ भएको छ । विमानस्थलमा अहिले ६८ वटा एजेन्सीहरूले काम गरिरहेका छन् । त्यसमध्य मुख्यरूपमा सुरक्षा जाँच प्रहरीले गरिरहेको छ ।
प्रहरीका विमानस्थल सुरक्षा कार्यालय, केन्द्रीय अनुसन्धान ब्यूरो (सीआईबी), अपराध महाशाखा, लागूऔषध नियन्त्रण ब्यूरो (एनसीबी), मानवबेचबिखन ब्यूरो र इन्टरपोल नेपाल शाखा विमानस्थलमा सक्रिय छन् ।
थप सुरक्षाका लागि सशस्त्र प्रहरी आएपछि एक प्रकारको डर पैदा भएको विमानस्थलका अधिकारीहरू बताउँछन् । ‘सशस्त्र आएपछि एउटा छुट्टै प्रकारको डर पैदा भएको छ । अरूले नियमित काम गर्दा एकअर्कालाई चिनजान हुन्थ्यो, त्यसले गर्दा सेटिङमा सहज थियो, अहिले त्यो हुन सकेको देखिँदैन, त्यसकारण त्यस्ता कर्मचारी डराएका छन्,’ विमानस्थलमा खटिएका एक अधिकृतले लोकान्तरसँग भने ।
ती अधिकृतका अनुसार सशस्त्र प्रहरीले २ दिनअगाडि भन्सार विभागको सोफा लैजान समेत दिएको थिएन । ‘भन्सार विभागले सशस्त्र आएपछि सोफालगायतका सामानहरू विमानस्थलभित्र लैजान खोज्दा दिएको थिएन, पछि हामीले (टीआईए)सँग समन्वय गरेर लगेका थियौं,’ ती अधिकृतले लोकान्तरसँग भने ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...