आईसीसी विश्वकप लिग २ को खेलमा नेदरल्याण्ड्सविरुद्ध कुशत भुर्तेल पनि आउट भएका छन् ।

अन्य खेलाडीले साथ नदिए पनि अर्धशतक बनाएर टिमको रन उकास्न मद्दत गरेका भुर्तेल ३६.३ ओभरमा आउट भएका हुन् । उनले ९३ बलमा ६६ रन बनाए । 

यस क्रममा उनले ८ वटा चौका प्रहार गरे ।

भुर्तेल पनि आउट भएपछि नेपाल १२२ रन जोड्दा ७ विकेट गुमाउने कठिन अवस्थामा पुगेको छ । 

यस अघिको खेलमा नेपालले नेदरल्याण्ड्सलाई सहजै ९ विकेटले पराजित गरेको थियो ।

नेपालका लागि आशिफ शेखले १७, रोहित पौडेलले १६, अनिल साह ७ र कुशल मल्ल २ रन बनाएर आउट भएका छन् । भीम सार्की ८ बल खेल्दा खाता नै नखोली आउट भए । 

कीर्तिपुरमा भइरहेको खेलमा टस हारेर पहिले ब्याटिङ गर्दा नेपाल नेपाल फेरि कठिन अवस्थामा पुगेको हो ।