सरकारले नेपाली राष्ट्रिय क्रिकेट टोलीको टी–२० विश्वकप तयारीका लागि पाँच करोड रुपैयाँ बजेट विनियोजन गरेको छ ।

आगामी जुन १ तारिखदेखि अमेरिका र वेस्ट इन्डिजमा आयोजना हुने उक्त विश्वकपका लागि सरकारले बुधवार पाँच करोड बजेट छुट्याइदिएको नेपाल क्रिकेट संघ (क्यान)ले जनाएको छ ।

उक्त विश्वकपमा नेपाल समूह ‘डी’मा छ । नेपालको समूहमा दक्षिण अफ्रिका, श्रीलंका, बंगलादेश र नेदरल्यान्ड्स छन् ।

नेपाली टोली यतिबेला विश्वकप तयारीमा छ । नेपालले हालै मात्र नेदरल्यान्ड्स र नामिबियासँग त्रिदेशीय श्रृंखला खेलेको थियो ।