कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
काठमाडाैं | फागुन २४, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
नेपाली कांग्रेस नयाँ सत्ता गठबन्धन नबन्दै भत्काउने रणनीतिमा देखिएको छ । सोहीअनुसार कांग्रेसले आफ्नो आक्रामक रणनीति अघि सारिसकेको छ ।
नयाँ गठबन्धन बिथोल्ने प्रयासअनुरुपै बुधबार बिहान कांग्रेसले नेकपा एकीकृत समाजवादीका अध्यक्ष माधव नेपालसँग छलफल गरेको छ । तर, छलफल सकारात्मक भएन भने समाजवादी नयाँ गठबन्धनमै सामेल भइसकेको छ । तर, पनि आफ्नो रणनीतिअनुसार गठबन्धन भत्काउन निरन्तर प्रयास गर्ने कांग्रेसका नेताहरुको भनाइ छ ।
००००
नेपाली कांग्रेसका महामन्त्री गगन थापाले नयाँ सत्ता गठबन्धनमा गृह मन्त्रालयको बार्गेनिङ बढाउन राष्ट्रिय स्वतन्त्र पार्टी (रास्वपा)का सभापति रवि लामिछानेले झुटो अफवाह फैलाएको आरोप लगाएका छन् ।
बुधवार सामाजिक सञ्जालमा भिडियो सन्देश छोड्दै महामन्त्री थापाले नयाँ गठबन्धनसँग गृहमन्त्रीको बार्गेनिङका लागि लामिछानेले आफूलाई कांग्रेसले प्रधानमन्त्री प्रस्ताव गरेको अफवाह फैलाएको आरोप लगाएका हुन् ।
‘नयाँ पार्टीका कुरा हामीले कुरा सुन्यौँ । गठबन्धनभित्र बार्गेनिङ गर्नका लागि अफवाह फैलाउने काम भएको छ, कांग्रेसले प्रधानमन्त्री अफर गर्यो भनेर,’ उनले भने ।
रास्वपा संसदीय दलका नेता लामिछाने नवगठित प्रचण्ड मन्त्रिपरिषद्मा उपप्रधान तथा गृहमन्त्री बनेका छन् ।
सो अवसरमा महामन्त्री थापाले आफूहरू सम्झौतामा इमान्दार हुँदाहुँदै राजनीतिक बेइमानी गरेर माओवादीले नै गठबन्धन छोडेर गएको आरोप लगाए । महामन्त्री थापाले माओवादीले फेरि धोका दिन सक्नेतर्फ पनि एमालेलाई सचेत गराए ।
००००
बुधवार प्रचण्ड नेतृत्वको मन्त्रिपरिषद् विस्तार हुँदा उपप्रधान एवम् भौतिक पूर्वाधार तथा यातायात मन्त्री रघुवीर महासेठले प्रधानमन्त्रीपछिको वरीयता पाएका छन् ।
त्यसपछि अर्का उपप्रधान एवम् परराष्ट्र मन्त्री नारायणकाजी श्रेष्ठको वरीयता रहँदा अर्का उपप्रधान तथा गृहमन्त्री रवि लामिछानेको चौथो वरीयता रहेको छ ।
यस्तै मन्त्रीमा अर्थमन्त्री वर्षमान पुनको वरीयता शीर्ष रहेको छ । उनको वरीयता समग्रमा पाँचौँ स्थानमा रहेको छ भने त्यसपछि शक्ति बस्नेत (उर्जामन्त्री)को वरीयता रहेको छ ।
यस्तै युवा तथा खेलकुद मन्त्री विराजभक्त महर्जनको वरीयता २० औँ नम्बरमा छन् । बुधवार मन्त्रिपरिषद् विस्तार भएसँगै प्रचण्ड नेतृत्वको मन्त्रिपरिषद् २० सदस्यीय बनेको छ।
००००
नयाँ गठबन्धन बनाउन ८ बुँदे सहमतिपत्रमा हस्ताक्षर गर्नेमध्येको दल जसपा नेपाल अझै सत्ता बाहिर छ । भागबण्डा र पावर सेयरिङमा कुरा नमिल्दा बुधबार सो दल सरकारमा सहभागी नभएको हो ।
यसैबीच जसपा नेपालले सरकारमा सहभागी हुने मन्त्रीबारे टुङ्गो लगाउन केन्द्रीय कार्यकारिणी समितिको बैठक बोलाएको छ ।
पार्टी केन्द्रीय कार्यालय बालकुमारीमा बिहीबार बिहान ८ बजेका लागि बैठक बोलाइएको सो पार्टीका प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिए ।
००००
एमसिए–नेपालले विद्युत् प्रसारण आयोजना अन्तर्गत निर्माण गर्न लागिएको ३१५ किमि लामो प्रसारण लाइन सञ्जालबाट १८ किमि लामो बुटवल – गोरखपुर विद्युत् प्रसारण लाइन खण्डलाई छुट्याएर प्राथमिकताका साथ अगाडि बढाउने निर्णय गरेको छ । एमसिए नेपाल सञ्चालक समितिको ४०औँ बैठकले सो निर्णय गरेको हो ।
००००
सरकारले नेपाली राष्ट्रिय क्रिकेट टोलीको टी–२० विश्वकप तयारीका लागि पाँच करोड रुपैयाँ बजेट विनियोजन गरेको छ ।
आगामी जुन १ तारिखदेखि अमेरिका र वेस्ट इन्डिजमा आयोजना हुने उक्त विश्वकपका लागि सरकारले बुधवार पाँच करोड बजेट छुट्याइदिएको नेपाल क्रिकेट संघ (क्यान)ले जनाएको छ ।
००००
नेपाल स्टक एक्सचेन्ज (नेप्से) परिसूचकमा सामान्य अङ्कको वृद्धि देखिएको छ । सोमवार सकारात्मक सर्किट र मङ्गलवार उच्च अङ्कको गिरावटपछि बजार सम्हालिएको हो ।
परिसूचक नौ दशमलव ३३ अङ्कले बढेर दुई हजार १७ दशमलव ०३ अङ्कमा पुगेको छ ।
००००
नेपाल कम्युनिस्ट पार्टी माओवादी केन्द्रले गण्डकी प्रदेश सरकारलाई दिएको समर्थन फिर्ता लिएको छ ।
बुधवार बसेको माओवादी केन्द्र गण्डकी प्रदेश संसदीय दलको बैठकले सुरेन्द्रराज पाण्डे नेतृत्व सरकारलाई दिएको समर्थन फिर्ता लिने निर्णय गरेको हो ।
००००
लुम्बिनी प्रदेशका मुख्यमन्त्री डिल्लीबहादुर चौधरीले माओवादीका दुई मन्त्रीलाई बर्खास्त गरेका छन् ।
मुख्यमन्त्री चौधरीले माओवादीका अर्थमन्त्री धनबहादुर मास्की र सहरी विकास मन्त्री कृष्णा केसीलाई बुधबार बिहान बर्खास्त गरेको मन्त्री सरोज थापाले जानकारी दिए ।
००००
नेकपा माओवादी केन्द्रले सुदूरपश्चिम प्रदेश सरकारलाई दिएको समर्थन फिर्ता लिएको छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...