फिफा विश्वकप छनोटअन्तर्गत दोस्रो खेलमा पनि नेपाल घरेलु टोली बहराइनसँग पराजित भएको छ । बहराइनको राष्ट्रिय रंगशालामा गएराति भएको खेलमा नेपाल बहराइनसँग दोस्रो खेलमा ३-० ले पराजित भएको हो ।

सातौं मिनेटमा बहराइनले खेलमा शुरूआती अग्रता लिएको थियो । १७औं मिनेटमा बहराइनले पेनाल्टीमा अग्रता दोब्बर बनायो । ३६औं मिनेटमा बहराइनले तेस्रो गोल गर्‍यो ।

नेपाल ४ खेलमा अंकविहीन रहँदै समूहको पुछारमा छ । नेपालले यूएईविरुद्ध ४-०, यमन विरुद्ध २-० र बहराइन विरुद्ध ५-० को हार बेहोरेको थियो । यूएई १२ अंकसहित समूहको शीर्ष स्थानमा छ । यस्तै ९ अंकसहित बहराइन दोस्रो र यमन ३ अंकसहित तेस्रो छन् ।

नेपालले दोस्रो चरणमा बाँकी दुई खेल जुनमा खेल्नेछ ।