ट्वान्टी–२० शृंखलाको अन्तिम खेलमा नेपाल ‘ए’ ले आयरल्यान्ड वुल्भ्सलाई जीतका लागि २१४ रनको रक्ष्य दिएको छ ।

त्रिवि क्रिकेट मैदान कीर्तिपुरमा टस हारेर ब्याटिङ गरेको नेपालले पूरै ओभर खेल्दा ७ विकेटको क्षतिमा २१३ रन बनायो ।

नेपालका लागि आरिफ शेखले अर्धशतकीय पारी खेले ।​​

आरिफ ४८ बलमा ७ चौका र ६ छक्का प्रहार गर्दै ९३ रनमा अविजित रहे।​

यस्तै, रासिद खानले २४, कमल सिंह ऐरीले १९, बसिर अहमद १९, पवन सर्राफले १३ र कप्तान विनोद भण्डारीले ११ रन बनाए।

लोकेश बम ८, देव खनाल ६ र नारायण जोशी १ रनमा आउट भएका थिए ।

आयरल्यान्डका लागि फियोन हान्डले २ विकेट लिएका थिए ।​

यस्तै, लियम म्याकार्थी, म्याथ्यु फोस्टर, ग्यारेथ डेलानी र गाभिन होनीले समान १/१ विकेट लिएका थिए ।

नेपाल ‘ए’ले यसअघि खेलेका दुवै खेलमा पराजित हुँदै शृङ्खलाको उपाधि गुमाइसकेको छ ।

आयरल्यान्ड 'ए'सँग नेपाल 'ए' पहिलो खेलमा २१ रनले पराजित भएको थियो भने दोस्रो खेलमा ४० रनले पराजित भएको थियो ।