फागुन ३०, २०८०
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
काठमाडाैं | चैत २२, २०८०
भारतबाट विद्युत् आयात गर्ने सम्झौता नवीकरण भएपनि विद्युत् प्राधिकरणले बिजुली नदिँदा उद्योगहरू १६ घण्टासम्म लोडसेडिङ खेप्न बाध्य भएका छन् ।
राष्ट्रिय प्रसारण लाइनमा जडित ३ हजार मेगावाटमध्ये अहिले (हिउँद)को उत्पादन क्षमता जम्मा १२ सय मेगावाटमा सीमित छ । भारतबाट ५५४ मेगावाट विद्युत् आयात हुने सम्झौता केही दिनअघि नवीकरण भएको थियो ।
प्राधिकरणका अनुसार अहिले पनि २५० मेगावाट विद्युत् भारत निर्यात भइरहेको छ । प्राधिकरणका प्रबन्ध निर्देशक कुलमान घिसिङले निर्यात बढी देखाउने नाममा उद्योगहरूको लाइन काट्ने गरेको गुनासो उद्योगी व्यवसायीले गरेका छन् । औद्योगिक क्षेत्रमा १६ घण्टासम्म लोडसेडिङ गरिरहेको प्राधिकरणले अहिलेको माग नै जम्मा १२ सय मेगावाट रहेको हास्यास्पद तर्क गर्ने गरेको छ ।
प्राधिकरणको लोड व्यवस्थापन क्षमता कमजोर देखिएको गुनासो उद्योगीहरूले गर्न थालेका छन् । नेपाल उद्योग परिसंघका अध्यक्ष राजेश अग्रवालले उद्योगहरूमा दैनिक १६ घण्टासम्म विद्युत् आपूर्ति बन्द गरिएको बताए ।
'साँझ ६ बजेदेखि बिहान ६ बजेसम्म लाइट लोड (बत्ती मात्र बाल्न पाउने) बिजुली दिएको छ,' अग्रवालले भने, 'त्यसैले राति काम हुने कुरो भएन । दिनमा पनि ८/१० पटक ट्रीपिङ हुन्छ । झ्याप्प आउने, झ्याप्प जाने हुन्छ । प्राधिकरणको लोड व्यवस्थापन क्षमतामाथि प्रश्न उठेको छ ।'
उनले यसबारे प्राधिकरणसँग कुरा गरेको तर सधैं ट्रान्समिसन लाइन नभएकाले समस्या भएको जवाफ पाउने गरेको बताए । उनले लोडसेडिङकै कारण उद्योगको उत्पादन क्षमता ३० प्रतिशतमा खुम्चेको गुनासो गरे ।
राम्रोसँग लोड व्यवस्थापन हुन् नसक्दा विराटनगर, वीरगन्ज, बुटवल, भैरहवा आसपासका क्षेत्र र औद्योगिक कोरिडोरमा पनि विद्युत् आपूर्ति नियमित हुन सकेको छैन ।
वीरगञ्जको अवस्था : उद्योग क्षेत्र ध्वस्त हुने बाटोमा
प्राधिकरणले निकालेको सोमबारको तालिकामा १२ मेगावाट आवश्यक रहेको वीरगञ्ज कोरिडोरमा रातिको १२ बजेदेखि दिउँसोको १२ बजेसम्म जम्मा ६ मेगावाट बिजुली उपलब्ध गराइएको छ ।
वीरगञ्ज औद्योगिक कोरिडोरमा दिउँसोको १२ बजेबाट साँझको ६ बजेसम्म करिब ४ दशमलव ५ मेगावाट र साँझको ६ बजेदेखि बिहानको ७ बजेसम्म ८ सय किलोवाट मात्र लोड दिइएको प्राधिकरणले जनाएको छ ।
वीरगञ्ज उद्योग वाणिज्य संघका अध्यक्ष अनिलकुमार अग्रवालले भने, 'यो कोरिडोरमा करिब १३ घन्टा विद्युत् कटौती हुन थालेको छ । यसअघि बिहान र साँझ बत्ती बाल्नका लागि मात्र बिजुली आउने गर्थ्यो । अब अहिले दिउँसो पनि थोरै विद्युत् आउने गर्छ । प्राधिकरणको व्यवस्थापन क्षमता नपुगेकै कारण उद्योग क्षेत्र ध्वस्त हुन थालेको छ ।'
मोरङ सुनसरी कोरिडोरमा पनि उस्तै
नेपाल उद्योग वाणिज्य महासंघका केन्द्रीय सदस्यसमेत रहेका उद्योगी अविनाश बोहोराले मोरङ-सुनसरी औद्योगिक कोरिडोरमा अहिले विद्युत् आपूर्ति थप अनियमित हुन थालेको बताए ।
उनले भने, 'सुख्खा याम हो भन्ने हामीलाई थाहा छ । तर घोषितरूपमै यति घण्टा उद्योग चलाऊ भनेर भनिदिए हामीलाई सहज हुन्थ्यो । १२/१४ घण्टासम्म विद्युत् आउँदैन । आएको बेलामा पनि झ्याप्पझ्याप्प जान्छ । यसले हामीलाई हैरान बनाएको छ ।'
यसअघि विद्युतको समस्या केही हदसम्म समाधान भएको भए पनि पछिल्लो समयमा थप अनियमित हुँदै गएको उनको भनाइ छ ।
‘अहिले उद्योग पहिलाकोजस्तो गतिमा चलेको छैन,' उनले भने, 'विद्युतकै कारण प्रोडक्सन र क्वालिटी लस हुन्छ । झ्याप्पझ्याप्प आउनेजाने गर्दा हाम्रो मशिन बिग्रेर दु:ख दिन्छ । झ्याप्पझ्याप्प विद्युत् जान थालेपछि हामीले लोडसेडिङ तालिका पठाउन पनि भनेका थियौं ।'
उद्योग संगठन मोरङका अध्यक्ष राकेश सुरानाले ह्वाटसएपमार्फत सूचना पठाएर प्राधिकारणले विद्युत् काट्ने गरेको बताए ।
'लोडसेडिङकै कारण उद्योग धन्दाहरूले ८० प्रतिशत उत्पादन कटौती गरेको अवस्था छ,' उनले लोकान्तरसँग भने, 'सुख्खा याम शुरू भएसँगै विद्युत् कम आपूर्ति हुन्छ, यसको असर हामीले भोगेका छौं ।'
बुटवल-भैरहवा क्षेत्रमा दैनिक १२ घण्टासम्म गायब हुन्छ बिजुली
बुटवल-भैरहवा औद्योगिक कोरिडोरमा पनि अहिले १२ घण्टाभन्दा बढी लाइन जाने गरेको छ ।
पञ्चकन्या ग्रुपका महाप्रबन्धक देवेन्द्र साहुले बुटवल-भैरहवा कोरिडोरका ठूला उद्योगले १२ घण्टासम्म निरन्तर अघोषित लोडसेडिङ खेप्दै आएको बताए ।
‘विगत दुई साढे दुई महिनादेखि यस क्षेत्रका उद्योगले अघोषित लोडसेडिङको मार खेपिरहेका छन्,’ महाप्रबन्धक साहुले भने, ‘लोडसेडिङको तालिका दिनुहोस् भनेर प्राधिकरणको कार्यालयमा जाँदा लोड व्यवस्थापन हो लोडसेडिङ होइन भन्छ । माथिबाट निर्देशन आएको छ, लाइन पूरा दिन सक्दैनौं भन्छन् । यसले गर्दा उत्पादनमा निकै समस्या भएको छ ।’
उनले बिहान ५ बजेदेखि १० बजेसम्म र साँझ ५ बजेदेखि १० बजेसम्म लाइन कटौती हुने गरेको बताए ।
भैरहवा-लुम्बिनी कोरिडोरमा अघोषित लोडसेडिङको समस्या झनै धेरै रहेको बुटवल औद्योगिक क्षेत्र उद्योग संघका अध्यक्ष हिरामणि भट्टराईले बताए ।
'प्राधिकरणले नियतवश नै बुटवल-भैरहवा क्षेत्रमा लाइन काटिरहेको उनको दाबी छ ।
‘हामीले प्रदेश हेर्ने हाकिमलाई किन यस्तो भइरहेको छ भनेर भेट गरी छलफल गर्यौं,’ भट्टराईले भने, ‘भेटमा सिस्टम गएको हो भन्छन् । सधैँ सिस्टम त जाँदैन होला नि ? प्राधिकरणको लापरवाही हो कि लोडसेडिङ हो उद्योगीले बुझ्न सकेका छैनन् । जसले गर्दा उद्योगी समस्यामा परेका छन् ।’
रुपन्देही सबैभन्दा धेरै ठूला उद्योग भएको जिल्लामा पर्छ । सहज नाका र सस्तो जग्गाका कारण उद्योगीहरूले रुपन्देहीमा लगानी गर्न रुचि देखाउँदै आएका छन् । तर, प्राधिकरणका कारण यस क्षेत्रमा उद्योगले ठूलो संकट भोगिरहेको अन्य कतिपय उद्योगीहरूको गुनासो छ ।
के भन्छ प्राधिकरण ?
प्राधिकरणका प्रवक्ता चन्दनकुमार घोषले पछिल्लो समय वितरणमा असमानता देखिएको स्वीकारे । उनले भने, 'उत्पादन घटिरहेको छ, त्यहीअनुसार विद्युत् व्यवस्थापन गर्न गाह्रो परिरहेको हो ।'
उनले अहिले देशभरका उद्योग तथा कलकारखानाले ६ सय ५० मेगावाटसम्म खपत गरिरहेको बताए । 'उद्योगीहरूले भनेजस्तो ठूलो समस्याचाहिँ होइन,' उनले भने, 'अहिले कतिपय ठाउँमा निर्माण कार्य चलिरहेको छ, हावाहुरीको सिजन पनि छ । एकाध प्राविधिक समस्यालाई लिएर लोडसेडिङ नै भयो भन्नुपर्दैन ।'
यसअघि २४ सै घण्टा विद्युत् दिँदै आएको भारतले बिहान ६ देखि बेलुका ६ बजे (सोलार आवर)सम्म मात्र विद्युत् दिने गरी नेपालसँग सम्झौता गरेको छ ।
सम्झौता नवीकरणसँगै चैत १९ गतेबाट ३ महिनासम्मका लागि ढल्केबर-मुजफ्फरपुर लाइनबाट ५ सय मेगावाट र टनकपुरबाट ५४ मेगावाट विद्युत् नेपाल आउने गरेको छ ।
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...