राष्ट्रिय स्वतन्त्र पार्टी (रास्वपा)का सभापति एवं उपप्रधान तथा गृहमन्त्री रवि लामिछानेले सञ्चालकको घरजग्गा बेचेर भए पनि सहकारी र लघुवित्त पीडितको पैसा फिर्ता गराउने बताएका छन् । इलाम– २ को चुनाव प्रचारका क्रममा सम्बोधन गर्दै लामिछानेले पीडितको पैसा फिर्ता नगरेसम्म सरकार नथाक्ने बताएका हुन् । 

‘मिटरब्याजपीडितलाई सम्बोधन गर्यौं । अलिकति प्रतीक्षा गर्नुहोला । सहकारी र लघुवित्तपीडितका समस्या पनि समाधान गर्छाैं । सञ्चालक र लगानीकर्ताको घरजग्गा बेचेर भए पनि रकम फिर्ता नगरेसम्म विश्रााम लिँदैनौं ,’ उनले भने, ‘अरु आन्दोलन गर्न हिँडेका छन्, हामी समाधान गर्न  हिँडेका छौं ।  मुखले भन्नु र व्यवहारले गर्नु फरक छ । सरकार यो अभियानमा थाक्दैन ।’

चुनावी प्रचारमा पैसा बोकेर कोही आए ठाउँठाउँमा कारबाही गर्ने चेतावनी पनि लामिछानेले दिए । 

‘भोट किन्नेको फोटो साइडबाट खिचेर पठाउनुहोला । गृह मन्त्रालय कारबाही गर्न तयार छ,’ लामिछानेले भने, ‘पैसाको पोको बोकेर गाउँ आउनेलाई पोको पारेर राख्नुस्, कतिवटा गाडी चाहिन्छ उनीहरूलाई पक्राउ गर्न पठाउन गृह मन्त्रालय तयार छ ।’

सभापति लामिछानेको दाबी– रास्वपामा जनतालाई झुक्याएर खानुपर्ने एकजना पनि नेता छैनन्