भारतमा जारी इन्डियन प्रिमियर लिग (आईपीएल) लखनऊ सुपर जायन्ट्सलाई पराजित गर्दै राजस्थान रोयल्स प्ले अफनजिक पुगेको छ ।

शनिबार राति भएको खेलमा राजस्थानले घरेलु टोली लखनऊलाई ७ विकेटले पराजित गरेको हो ।

उत्कृष्ट लयमा रहेको राजस्थानको यो आठौं जीत हो । अहिलेसम्म उ एक खेलमा मात्रै पराजित भएको छ । । यो जीतसँगै राजस्थान प्ले अफको नजिक रहेको छ । उसले एक खेल जित्दा प्ले अफ पक्का हुनेछ ।

 शनिबार टस हारेर पहिला ब्याटिङ गरेको लखनऊले निर्धारित २० ओभरमा ५ विकेट गुमाएर १९६ रन बनाएको थियो । जवाफमा राजस्थानले १९ ओभरमा मात्र ३ विकेट गुमाएर पूरा गरेको हो ।

यस क्रममा राजस्थानका २ खेलाडीले अधृशतकीय पारी खेले । कप्तान सञ्जु सामसनले सर्वाधिक ७१ तथा ध्रुव जुरेलले ५२ रन बनाए । यस्तै, जोस बटलरले ३४, यशस्वी जैसवालले २४ र रियान परागले १४ रन जोडे । 

जीतपछि राजस्थानले ९ खेलबाट १६ अंक बनाउँदै आफूलाई शीर्ष स्थानमा राखेको छ भने लखनऊ ९ खेलबाट १० अंकसहित तालिकाको चौथो स्थानमा छ ।

आईपीएलअन्तर्गत आज २ खेल हुनेछन् । पौने ४ बजे गुजरात रटाइटन्स र रोयल च्यालेन्जर्स बेंग्लोर तथा राति पौने ८ बजे चेन्नाई सुपर किंग्स र सनराइजर्स हैदराबाद आमने सामने हुने छन् ।