माघ ३, २०८०
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
जेठ २५, २०७५
काठमाडौं,२५ जेठ–काठमाडौंका विनोद पौडेल सानेपाबाट लैनचौर जान लागेका थिए । उनले सानेपाको समिट होटल नजिकै रोकिएको एउटा ट्याक्सीलाई लैनचौर जान आग्रह गरे ।
सानेपाबाट लैनचौरसम्म साढे पाँच किलोमिटर दूरी छ । सरकारले तोकेको प्रचलित भाडा दर प्रति किलोमिटर ३६ रुपैयाँ छ । ट्याक्सीमा यात्रा गर्ने यात्रुले ट्याक्सीमा चढ्दा मिटरमा उठेको रकममा १४ रुपैयाँ थप तिर्नुपर्ने हुन्छ। मिटरमा जाँदा सानेपाबाट लैनचौरसम्म जाममा नपरेमा करिब २ सय १२ रुपैयाँ मात्रै भाडा उठ्छ ।
तर पौडेलसँग ट्याक्सी चालकले मिटरमा जान मानेनन् । मिटरमा जान नमानेपछि पौडेलले ट्याक्सी नम्बर नोट गर्न खोजे । तर ट्याक्सी ड्राइभर उनीमाथि हातपातमा उत्रिए ।
‘ट्याक्सी चालकले मिटरमा जान मानेनन्, तीन सय भन्दा कममा नजाने भने, जानै नमानेपछि मैले ट्याक्सीको नम्बर प्लेट लिन फोटो खिचे,’ उनले लोकान्तरसँग भने, ‘मलाई ट्याक्सी चालकले हातपात गर्न खोज्यो ।’
पौडेलले ट्याक्सी चालकले भनेको ठाउँमा प्रचलित भाडादरमा जान नमानेपछि नजिकैको ट्राफिक प्रहरीलाई गुनासो गरे ।
ट्राफिक प्रहरीले कार्यालयमै ट्याक्सी चालकलाई बोलाएर ३ हजार जरिवाना तिराएको उनले सुनाए । उनले भने, ‘मिटरमा जान नमानेपछि मैले प्रहरीलाई उजुरी दिए, प्रहरीले ट्याक्सी चालकलाई कारबाही गर्यो ।’
सरकारले सबै भाडाका ट्याक्सीहरुलाई मिटरमा चलाउन अनिवार्य गरेपनि ट्याक्सी चालकहरु यो नियमलाई मान्ने गरेका छैनन् । आज भोलि ट्याक्सी चालकले बढी भाडा मागेमा पौडेल प्रहरीलाई खबर गरिहाल्छन् ।
भाडामा चल्ने ट्याक्सीहरुले मिटरमा चल्नुपर्ने भएपनि राजधानीमा अझै पनि अधिकांस ट्याक्सीचालकहरु मिटरमा जान मान्दैनन् ।
ट्याक्सी चालकले यात्रुहरुसँग बढी भाडा लिने, मिटरमा जान नमान्ने र दुव्र्यवहार गर्ने गरेको पाइएको प्रहरी बताउँछ । यात्रुहरुले ट्राफिक प्रहरीको हटलाइन सेवामा फोन गरेर उजुरी दिने सक्ने व्यवस्था गरिएको छ । केहीले आफू ठगिन लागेको थाहा पाए ट्राफिकलाई फोन गर्ने गरेका छन् ।
महानगरीय ट्राफिक प्रहरी महाशाखामा दैनिक २० देखि २५ जना ट्याक्सी प्रयोगकर्ताको उजुरी आउने गरेको महाशाखाका प्रहरी वरिष्ठ उपरीक्षक (एसएसपी) वसन्त पन्तले बताए । तोकिएको भन्दा बढी भाडा लिने र यात्रुले भनेको स्थानमा जान नमान्ने ट्याक्सी चालकलाई प्रहरीले कारबाही गरिरहेको उनले बताए ।
महाशाखाको तत्थ्याङ्क अनुसार आर्थिक वर्ष २०७४÷७५ को साउनदेखि हालसम्म ६ हजार ६ सय ८० ट्याक्सी चालक विरुद्ध उजुरी परेको छ । मिटर बिगारेर बढी भाडा माग्ने र भनेको ठाउँमा जान नमान्ने ट्याक्सीलाई कारबाहिको माग गर्दै ट्राफिक प्रहरीको १०३ नम्बरमा फोन गरेर तथा ड्युटीमै रहेका ट्राफिक प्रहरीलाई समेत उजुरी दिन सकिने व्यवस्था ट्राफिक प्रहरीले गरेको छ ।
सेवाग्राहीको उजुरीको आधारमा प्रहरीले ट्याक्सी चालकलाई तीन हजार जरिवाना तिराउने गरेको छ । महाशाखाले आर्थिक वर्ष २०७४/७५ मा ६ हजार ६ सय ८० ट्याक्सी चालकबाट दुई करोड ४० हजार राजश्व संकलन गरेको छ ।
ट्राफिक प्रहरीको हटलाई सेवामा ट्याक्सीमै सामान छुटेका केस समेत आउने गरेको छ । ट्याक्सीमै सामान छुटेको भन्दै आर्थिक वर्ष मा ३ सय ४ ओटा उजुरी आएको एसएसपी पन्तले बताए । प्रहरीले यात्रुको उजुरीको आधारमा २ सय २६ यात्रुको सामान फिर्ता गरेको र ७८ वटा केसहरुको अनुसन्धान भइरहेको जनाएको छ ।
यात्रुहरुको सामान हराउने समस्या बढ्दै गएपछि महाशाखाले ट्याक्सीको भित्री भागमा पनि नम्बर प्लेट राख्न निर्देशन दिएको छ । महानगरीय ट्राफिक प्रहरी महाशाखाले सबै ट्याक्सीहरुलाई भित्र पनि नम्बर प्लेट अनिवार्य गरेको हो ।
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...