महोत्तरीको पिपरा गाउँपालिकामा निकै रोचक ढंगले मत परिणाम आइरहेको छ ।

केहीबेर अघिसम्म अग्रस्थानमा रहेको राजपा अहिले पछि परेको छ भने अग्रस्थानमा नेकपा आइपुगेको छ । 

जारी मतगणनामा नेकपाको विक्रम चौधरीले २ हजार २ सय २८ मत प्राप्त गर्दै अग्रस्थानमा आएका छन् । उनका निकटतम प्रतिद्वन्दी राजपाकी उम्मेदवार रविता कुमारीले २ हजार १३१ मत प्राप्त गरेकी छन् । 

यसैगरी समाजवादी पार्टी नेपालको उम्मेदवार रामजानकी यादवले १ हजार ८ सय मत प्राप्त गरेका छन् । कांग्रेसका विजय कुमार यादवले ८ सय ८६ मत पाएका छन् ।

सिके राउत नेतृत्वको जनमत पार्टीकी अञ्जनीदेवी मण्डललेभने ३ सय ९५ मत पाएकी छन् ।