केएल दुगड समूहले ज्ञान ब्राण्डमा नयाँ उत्पादन ज्ञान भूजा नेपाली बजारमा ल्याएको छ ।

केएल दुगड समूह अन्तर्गतको विकास फ्लोर मिल प्रालिबाट उत्पादित ज्ञान भूजा उत्कृष्ट प्रविधिको प्रयोग गरी वैज्ञानिक तवरबाट तयार पारिएको कम्पनीले जनाएको छ ।

ज्ञान भूजा ४०० ग्रामको कन्जुमर प्याकमा उपलब्ध रहेको छ । वोभन ड्राइड, चम्किलो सेतो र झुरुम–झुरुम गर्ने एकैनासको आकारको साइजमा रहेको गुणस्तरीय ज्ञान भूजा उपभोक्तामाझ छोटो समयमै खाजाको रुपमा पहिलो रोजाइमा पर्नेमा कम्पनी विश्वस्त रहेको छ ।

उत्कृष्ट खाद्य पदार्थ उत्पादन गरेबापत नेपाल सरकारबाट २०६३ र २०७५ सालमा स्वच्छ र गुणस्तरीय खाद्य पदार्थ उत्पादन गर्ने ठूला तथा मझौला उद्योगमध्ये विकास फ्लोर मिल प्रालिलाई उत्कृष्ट उद्योगको रुपमा सम्मानित गरिसकेको छ । ज्ञान भूजा नेपाल अधिराज्यभरका मुख्य डिपार्टमेन्टल स्टोर लगायत स्थानीय किराना पसलमा समेत सहजै उपलब्ध रहेको छ ।

विकास फ्लोर मिल प्रालिले ज्ञान ब्राण्डमा चक्की आँटा, मैदा, सूजी, बेसन, लिटो लगायतका गुणस्तरीय उत्पादन नेपाल तथा विदेशमा समेत उपलब्ध गराइआएको छ ।