कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
२ नम्बर प्रदेशको नामकरणका विषयमा सोमवार बसेको संसदीय विशेष समितिको पहिलो बैठकमा राजनीतिक दलले आ–आफ्नै प्रस्तावमा अडान यथावत् राखेका छन् ।
उपसभामुख उपमा देबको अध्यक्षतामा सोमवार बसेको प्रदेशको नामकरण तथा राजधानी सम्बन्धी अध्ययन विशेष समितिको बैठकमा सबै राजनीतिक दलले दलगत प्रस्ताव अनुसार नै सहमति हुनुपर्ने अडान राख्दा सर्वसम्मत सहमति हुन सकेको छैन ।
बैठकमा सहभागी भएका समाजवादी पार्टी संसदीय दलका उपनेता रामअशिष यादवले सबै राजनीतिक दलका सांसदले आफ्नो नाममा सहमति कायम गर्न एकअर्कालाई आग्रह गरेको बताए । ‘सबै दलको फरक–फरक प्रस्ताव भएपनि पहिचानलाई आधार मानेर प्रदेशको नामकरण गर्नुपर्नेमा भने सबैले आफ्नो धारणा राख्नुभयो,’ यादवले लोकान्तरसँग भने, ‘पहिलो बैठक भएका कारण सहमति जुट्न नसकेपनि नाममा पनि सहमति जुट्नेमा भने सबै जना आशावादी नै छौं ।’
प्रदेश सरकारको नेतृत्व गरिरहेका समाजवादी पार्टी र गठबन्धनका घटक दल राजपा नेपालले भने प्रदेशको नाम ‘मधेश प्रदेश’ हुनुपर्छ भन्ने प्रदेश सभामा दर्ता गराएको प्रस्तावमा सहमति कायम गर्न आग्रह गरेको भएपनि प्रतिपक्षी दल नेकपा र नेपाली कांग्रेसले मान्न तयार नभएको राजपा नेपालका प्रमुख सचेतक परमेश्वर साह सुडीले बताए ।
बैठकमा सहभागी नेकपाकी सांसद शारदा थापा पनि आफ्नो दलगत प्रस्ताव ‘जानकी’ प्रदेशमा नै सहमत हुन अन्य सांसदलाई आग्रह गरेको बताउँछिन् । ‘जानकी प्रदेशको प्रमुख पहिचानको आधार हुनुका साथै महिला शक्तिको समेत सम्बोधन हुने हुँदा जानकी प्रदेश नै कायम हुनुपर्ने भनेर मैले भनेकी छु,’ थापाले भनिन्, ‘पितृसत्तात्मक सोचभन्दा मातृसत्तात्मक सोचसहित पहिचानलाई आधार मानेर प्रदेशको नाम राख्नुपर्नेमा हामीले जोड दियौं ।’
बैठकमा उपस्थित नेपाली कांग्रेसका सांसद नरेश यादवले पनि नेपाली कांग्रेसको प्रस्ताव ‘मिथिला–भोजपुरा प्रदेश’लाई स्वीकार गर्न आग्रह गरेको बताउँछन् । ‘बैठकमा सबै नाम माथि आ–आफ्नो अडान सबै जनाले कायमै राख्नुभयो,’ नेपाली कांग्रेसका सांसद यादवले भने, ‘तर सबै दलले आफ्नो अडान कायम राखेपनि आ–आफ्नो अडानबाट पछि हटेर बीचको कुनै अर्को नाममा सहमति हुनसक्ने संकेत र लचकता पनि सबैले देखाउनुभयो ।’
बैठकमा सहभागी राजपा नेपालकी सांसद रानी शर्मा तिवारीले पनि सबै दल आगामी दिनमा लचकताका साथ प्रस्तुत भएर सर्वसम्मत तरिकाले नाममा पनि सहमति जुटाउनेमा भने सकारात्मक नै देखिएको उनले बताइन् । ‘सबै आ–आफ्नो अडानबाट हटेर नयाँ नाम ल्याए सहमति हुनेमा भने प्रबल सम्भावना छ,’ नेकपा सांसद थापाले समेत भनिन्, ‘जसरी राजधानीमा हामी सबै सर्वसम्मतले एउटा नाम राख्न सफल भयौं, त्यसैगरी प्रदेशको नाममा समेत सहमति हुने सम्भावना बढ्दै गएको छ ।’ आगामी दिनमा बस्ने समितिको बैठकमा सबै दललाई मान्य हुने गरी नयाँ नामको प्रस्ताव समेत आउन सक्ने उनले बताइन् ।
मधेश प्रदेश, जानकी प्रदेश, मिथिला भोजपुरा प्रदेश, मध्य मधेश प्रदेश, मिथिला भोजपुरा मधेशसहित ५ वटा नाम प्रदेश सभामा दर्ता भएको छ । ती ५ मध्ये तल–माथि गरेर नयाँ नाममा सहमति जुटाउने तयारीमा समिति लागेका छन् ।
प्रदेश सभामा सबैभन्दा ठूलो दल नेकपाको ३२, समाजवादीको ३०, राजपाको २५, नेपाली कांग्रेसको १९ र नेपाल संघीय समाजवादी पार्टीको १ गरेर कूल १०७ जना सदस्य छन् । कुनै पनि दलसँग दुईतिहाइ बहुमत नरहेका कारण कम्तिमा पनि ३ वटा दल एकठाउँमा आउनैपर्ने बाध्यता छ । समितिको आगामी बैठक माघ १८ गतेका लागि बोलाइएको छ ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...