कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
आकाशमा उड्ने जहाजको सुरक्षाका लागि मौसमले अत्यन्तै ठूलो भूमिका खेलेको हुन्छ । नेपालमा सामान्यतया अप्रिलदेखि जुनको पहिलो हप्तासम्म रहने प्री-मनसुन समयमा जहाजहरूले केही चुनौतीहरू सामना गर्नुपरेको हुन्छ ।
यी चुनौतीका कारण एयरलाइन्स कम्पनी, पाइलट र यात्रुलाई असहज हुन सक्छ ।
प्री-मनसुन समयमा वातावरणमा केही अशान्ति र हावाको गति र दिशा अनिश्चित हुन्छ । जसले उडान र अवतरणलाई असहज बनाउन सक्छ । विशेष गरेर हिमाली र पहाडी क्षेत्रमा यस्तो खालको समस्या देखिने गरेको बुद्ध एयरका कम्युनिकेसन म्यानेजर बताउँछन् ।
प्री-मनसुन समयमा चट्याङ पर्ने र हावाहुरी चल्ने हुनसक्छ । बादलबीच हुने टकरावले चट्याङ पर्ने अवस्थाले हवाई सुरक्षामा जोखिम निम्त्याउन सक्छ ।
प्री-मनसुन समयमा जहाजको भिजिबिलिटी पनि कम हुन्छ । तीव्र हावाले धुलो र प्रदूषण ल्याउँछ, जसले भिजिबिलिटी घटाउँछ । विशेष गरेर यस्तो अवस्थामा पहाडी क्षेत्रमा उडान र अवतरणका लागि समस्या पर्ने पाइलटहरूको भनाइ छ ।
यो समयमा आकाशमा घना बादल जम्मा हुने भएकाले बादलले महत्वपूर्ण स्थल र भू-भागलाई छोप्न सक्छ, जसले जहाजको नेभिगेसनलाई कठिन बनाउँछ ।
नेपालका पहाडी क्षेत्रमा रहेका विमानस्थलमा प्री-मनसुन समयमा उडानका लागि प्रतिकूल मानिन्छ । त्यस्तै छोटा रनवेहरू भएका विमानस्थलमा पनि विशेष गरेर अप्ठेरो मौसममा उडान र अवतरणका लागि प्रतिकूल मानिन्छन् ।
यस्तो मौसममा केही उडान रद्द र केही डिले पनि हुन सक्छ । जसले यात्रुलाई दिक्क पार्न सक्छ । तर यसको कारक एयरलाइन्स कम्पनी होइनन्, मौसमको अवस्था हो ।
त्यस्तै नेपालका केही विमानस्थलहरूमा उन्नत नेभिगेशनल सहायता र मौसम पूर्वानुमान प्राविधिकताको अभाव छ, जसले उडानलाई थप अप्ठेरो बनाउँछ ।
प्री-मनसुन समयमा उडान गर्दा पाइलटहरूमा तनाव र थकान बढ्न पनि सक्छ ।
बुद्ध एयरले यी चुनौतीहरूलाई समाधान गर्न मौसम पूर्वानुमान प्रणाली, प्रतिकूल मौसम स्थितिको लागि पाइलट तालिम र प्रभावकारी रूपमा अप्ठेरो व्यवस्थापन गरिरहेको जनाएको छ ।
मौसमका कारण झेल्नुपर्ने यी अप्ठेरा सामना गर्न यात्रुले के गर्नुपर्छ ?
प्री-मनसून समयमा नेपालमा यात्रा गर्दा यात्रुहरूले विभिन्न उपायहरू अपनाएर समस्याहरूबाट जोगिन सक्छन् ।
सबैभन्दा पहिला मौसमबारे यात्रु आफैंले जानकारी राख्नुपर्छ । मोबाइल एप र वेब साइटहरूमा मौसम र उडान तालिकाबारे यात्रुले पहिल्यै जानकारी राखेमा यसबाट आइपर्ने अप्ठेरोलाई सहजीकरण गर्न मदत गर्छ ।
यात्रुले आफूले यात्रा गर्न चाहेको ठाउँ र एयर रुटको मौसमबारे मात्र जानकारी राखेर हुँदैन, आफूले यात्रा गर्न खोजेको एयरलाइन्सको उडान तालिका पनि अद्यावधिक गर्नुपर्छ ।
जसका लागि वेबसाइट हेर्न सकिन्छ या एयरलाइन्ससँग टेलिफोनमार्फत निरन्तर सम्पर्कमा रहन सकिन्छ । मौसम परिवर्तनले गर्दा उडान ढिलाइ वा रद्द पनि हुन सक्छ ।
यस्तो मौसममा यात्रुले टिकट परिवर्तन र रद्द गर्दा पनि शुल्क नलाग्ने खालको टिकट छनौट गर्नुपर्छ । टिकट छनौटमा लचक भएपछि मौसमका कारण प्रभावित हुने उडानका कारण व्यक्तिगत समस्या समाधान गर्न सहयोग पुग्छ ।
यससँगै यात्रुले आफ्नो अतिरिक्त समयको व्यवस्था पनि गर्नुपर्छ । सम्भावित प्लेन डिले भइहाल्यो भनेपनि आफूसँग अर्को फ्लाइटमा जान पर्याप्त समयको व्यवस्था हुनुपर्छ ।
कुनै महत्त्वपूर्ण कामका लागि यात्रु उड्दै छन् भने एक दिन अघि नै टिकट काट्नु उपयुक्त हुन्छ ।
त्यस्तै यात्रुले यस्तै मौसमी अवस्थाका लागि आफ्नो ब्याग प्याक गर्नुपर्छ । आवश्यक सामानहरू हातको लगेजमा राख्नुपर्छ ।
महत्त्वपूर्ण चीज कार्गोमा राख्दा प्लेन डिले भइहाल्यो भने पनि आफूलाई आवश्यक पर्दा उपलब्ध हुँदैन । विशेष गरी औषधि, कपडा, महत्वपूर्ण कागजात र चार्जर आफ्नो हातको झोलामा राख्नुपर्छ ।
उपयुक्त कपडा, रेनकोट, पानीबाट बच्न सकिने जुत्ता लिएर यात्रा गर्नुपर्छ ।
यात्रुले यस्तो अवस्थामा यात्रा गर्दा प्लेन ढिलो हुन सक्ने अवस्थालाई ध्यान राखेर पुस्तक, म्यागाजिन, डिजिटल मनोरंजन, स्न्याक्स र पानी साथै लैजानुपर्छ ।
आफ्नो मोबाइल, ल्यापटप जस्ता विद्युतीय सामग्री चार्जर गर्न पोर्टेबल चार्जर अथवा पावर बैंक लिएर यात्रा गर्नु उपयुक्त हुन्छ ।
यस्तो अवस्थामा होटेल बुक गर्दा सकेसम्म एयरपोर्ट नजिकै गर्नुपर्छ । धैर्य र एयरलाइन्स अधिकारीहरूको निर्देशन सुन्नुपर्छ ।
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...
अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...
गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...