लक्ष्मी सन्‌राइज बैंकको अगुवाइमा ४१ मेगावाटको जलविद्युत् आयोजनामा लगानी सम्झौता

लक्ष्मी सन्‌राइज बैंक लिमिटेडको अगुवाइमा सह-वित्तीयकरणमा सहभागी बैंकहरू र सुपर बागमती हाइड्रोपावर लिमिटेडबीच सम्झौता भएको छ ।

ललितपुर र मकवानपुर जिल्लास्थित बागमती नदीमा निर्माण हुने ४१.३१४ मेगावाट क्षमताको सुपर तल्लो बागमती जलविद्युत् आयोजनामा लगानी गर्ने सम्झौता सम्पन्न भएको बैंकले जनाएको छ ।

सो आयोजनाको कुल लागत ९.२८ अर्ब रुपैयाँ रहेको छ । यो सहकार्यले नेपालको नवीकरणीय ऊर्जा परिदृश्यमा महत्त्वपूर्ण भूमिका खेल्ने बैंकको विश्वास छ ।

सुपर बागमती हाइड्रोपावरले २०७८ माघ १२ मा विद्युत् विकास विभागबाट आयोजना निर्माणको लागि विद्युत् उत्पादनको अनुमति लिएको थियो ।