कात्तिक २४, २०८०
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
साउन २१, २०७६
काठमाडौं – प्रतिनिधि सभा बैठकमा सांसद हृदयेश त्रिपाठीले मंगलवार प्रश्न गरे– नागरिकता त खारेज भयो, तर झूठा विवरणका आधारमा नागरिकता दिनेलाई कारवाही हुन्छ कि हुँदैन ?
सरकारले केही दिनअघि ८ जना भारतीय नागरिकको नेपाली नागरिकता रद्द गरेको सन्दर्भमा उनको प्रश्न थियो ।
गत आइतवार मन्त्रिपरिषद् बैठकको निर्णय सार्वजनिक गर्दै सरकारका प्रवक्ता एवं सञ्चार तथा सूचना प्रविधि मन्त्री गोकुल बाँस्कोटाले झूठो विवरण पेश गरी बनाइएको ८ वटा नेपाली नारिकता रद्द गरिएको बताएका थिए ।
तत्कालीन एमालेको सूर्य चिह्नबाट चुनाव जितेका स्वतन्त्र राजनीतिक समूहका सांसद त्रिपाठीले थपे– ‘नागरिकताको प्रमाण पत्र खारेज गरेको समाचार आयो, नागकिता त खारेज गरियो, तर जसले दिएका छन् उनीहरूलाई कारवाही हुन्छ कि हुँदैन ?’
त्रिपाठीले उठाएको जस्तै प्रश्न अहिले चौतर्फी रूपमा उठिरहेको छ ।
यसरी झूठो विवरणका आधारमा नागरिकता दिनेलाई कारवाही हुन्छ कि हुँदैन त ? गृह प्रवक्ता रामकृष्ण सुवेदी यस किसिमको कमजोरी गर्ने कर्मचारीलाई पनि कारवाही हुने बताउँछन् ।
सह–सचिव सुवेदीले लोकान्तरसँग भने– ‘मन्त्रिपरिषद्ले नागरिकता रद्द मात्रै गरेको छैन, तत्कालीन समयका सीडीओ लगायत नागरिकता दिने सबै कर्मचारीलाई कारवाही गर्न निर्देशन पनि दिएको छ ।’
जिल्लामा परेका उजुरीका आधारमा छानबिन गरी झूठा विवरण पेश गरी नागरिकता लिएको पाइएमा गृह मन्त्रालयमार्फत मन्त्री परिषद्बाट त्यस्ता नागरिकता रद्द हुने व्यवस्था रहेको प्रवक्ता सुवेदीले बताए ।
तीन सय नागरिकता रद्द
साउन १६ गते बसेको मन्त्रिपरिषद् बैठकले सर्लाही र धनुषाबाट लिइएका ८ नागरिकता रद्द गरेको थियो ।
अशोक साह, विन्दे महतो, दानादेवी महतो (विन्दे महतोको पत्नी वैवाहिक अंगीकृत., सोसील महतो (दानादेवीकी बुहारी), राजेन्द्र महतो, राजेश्वर महतो, रामकिशोर महतो र राजकुमार महतोको नागरिकता रद्द गर्ने निर्णय मन्त्रिपरिषद् बैठकले गरेको थियो ।
वि.सं. २०५४ यता ३ सयभन्दा बढी नागरिकता रद्द भएको गृह मन्त्रालयको तथ्यांक छ ।
मन्त्रिपरिषद्को निर्णयका आधारमा रद्द भएका नागरिकताको संख्या ३०० भन्दा बढी रहेको गृह प्रवक्ता सुवेदीले जानकारी दिए ।
‘२०५४ सालदेखि ०७६ सालसम्मको तथ्यांकलाई हेर्ने हो भने ३ सय भन्दा बढी नागरिकता मन्त्रिपरिषद्को निर्णयले रद्द गरेको देखिन्छ,’ उनले भने ।
यद्यपि यसरी रद्द भएका नागरिकता वितरण गर्ने तत्कालीन अधिकारीहरूलाई कारवाही भएको यकिन तथ्याङ्क गृह प्रवक्ता सुवेदीसँग छैन ।
त्यसका लागि तत्कालीन समयमा मन्त्रिपरिषद्बाट भएका निर्णयहरू केलाउनुपर्ने उनको भनाइ छ ।
छानबिनका लागि समिति गठन
सरकारले काठमाडौं जिल्लाबाट लिइएका नागरिकता छानबिनका लागि यही असार १२ गते नेपाल गृह मन्त्रालयका उपसचिव शम्भु रेग्मीको संयोजकत्वमा शाखा अधिकृत दयाराम श्रेष्ठ र कानून अधिकृत भोजराज दाहाल सदस्य रहेको ३ सदस्यीय समिति गठन गरेको छ ।
काठमाडौं जिल्ला प्रशासनबाट जारी भएका नागरिकताका विवरणलाई संकलन गरी छनबिन गर्ने समिति संयोजक रेग्मीले लोकान्तरलाई बताए ।
‘हामीले काठमाडौं जिल्ला प्रशासनमा भएका नागरिकताका विवरणलाई ‘स्याम्पलिङ’को आधारमा संकलन गरी अनुसन्धान गरिरहेका छौं,’ रेग्मीले भने, ‘शंकास्पद् नागरिकताका विवरण संकलन गरी तिनीहरूमाथि अनुसन्धान गरिरहेका छौं । त्यस्ता झूठा विवरण पेश गरेर नागरिकता लिएकालाई कानूनबमोजिम कारवाहीका लागि सिफारिस गर्छौं ।’
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...