कोरोना संक्रमित भेटिएको भनी अफवाह फैलाउने पक्राउ

कोरोना भाइरस संक्रमित व्यक्ति भेटिएको भन्दै अफवाह फैलाउने १ जनालाई प्रहरीले पक्राउ गरेको छ ।

सामाजिक सञ्जाल फेसबुकमार्फत् टीकापुर नगरपालिका–१ ब्लक नम्बर १० मा कोरोना भाइरस संक्रमित व्यक्ति भेटिएको गलत प्रचार गर्ने सोही नगरपालिका–२ का पवनकुमार भट्टराईलाई मंगलवार राति पक्राउ गरिएको जिल्ला प्रहरी कार्यालय कैलालीका प्रवक्ता एंव प्रहरी नायब उपरीक्षक दक्षकुमार बस्नेतले बताए ।

आफ्नो फेसबूक आईडीमार्फत ‘कोरोना भाइरसको संक्रमित टीकापुर नगरपालिका–१ ब्लक नम्बर १० मा भेटियो’ भनी पोस्ट गरेर आम नागरिक माझ सन्त्रास फैलाएको देखिएकाले आवश्यक कानूनी कारवाहीका लागि भट्टराईलाई ईलाका प्रहरी कार्यालय टीकापुरले नियन्त्रणमा लिएको उनले बताए । सो सम्बन्धमा थप अनुसन्धान भइरहेको उनको भनाइ छ ।