माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
गत भदौ १६ गते मंगलवार प्रधानमन्त्री केपी शर्मा ओलीले सामाजिक सञ्जाल ट्विटरमा ट्वीट गरे । ट्वीटमा भनिएको थियो, ‘आज दिउँसो बंगलादेशकी प्रधानमन्त्री शेख हसिनासँग नेपाल र बंगलादेशबीचको मैत्रीपूर्ण सम्बन्धबारे छलफल भएको छ । द्विदेशीय व्यापार, ऊर्जा तथा ट्रान्जिटका लागि सहकार्य आवश्यकता भएको महसूस गरिएको छ । साथै नेपालमा युरिया मल तत्कालै आयातका लागि मैले गरेको आग्रहमा बंगलादेशकी प्रधानमन्त्री हसिना सकारात्मक हुनुभएको छ ।’
असार–साउनमा रोपेको धानमा मल हाल्ने समयमा बजारमा मल अभाव हुँदा किसान समस्यामा परेपछि प्रधानमन्त्री ओलीले बंगलादेशबाट मल आयात गर्न पहल गरे । यसै सन्दर्भमा प्रधानमन्त्रीस्तरीय फोनवार्ता र मल आयातको विषयले सर्वत्र चर्चा कमायो ।
धान रोप्ने समयदेखि धान गोड्ने समयसम्ममा पनि मल अभावको उही चपेटा भोगिरहेका किसानका लागि प्रधानमन्त्रीको त्यो पहलको समाचारले थोरै भए पनि सान्त्वना दियो । तर मल किसानको खेतमा कहिले पुग्ने हो ? अझै अनिश्चित छ ।
‘मल आयातका लागि प्रधानमन्त्रीस्तरीय छलफल भएपछि हामीले आधिकारिक रुपमा बंगलादेशलाई पत्र पठायौं,’ कृषि तथा पशुपन्छी विकास मन्त्रालयका सहसचिव एवं प्रवक्ता डा. हरिबहादुर केसीले लोकान्तरसँग भने । उनका अनुसार दुवै देशबीच प्रधानमन्त्रीस्तरीय छलफल चल्नु अगावै अनौपचारिक रूपमा मल आयातबारे कुरा भएको थियो ।
मन्त्रालयले पठाएको पत्रमा बंगलादेश सरकारले सकारात्मक प्रतिक्रिया दिएको उनले बताए । ‘बंगलादेशको पत्र आएसँगै नेपालमा मल आयात कसरी गर्ने भन्ने प्रक्रियाबारे छलफल शुरू भएको छ,’ उनले भने । नेपालले बंगलादेशसँग ५० हजार मेट्रिक टन मल मागेको छ । बंगलादेशमा मल बिक्री गर्ने नीति नभएका कारण पैंचो ल्याउन लागिएको प्रवक्ता केसीले बताए ।
किसानका लागि ‘आकाशको फल’
बजारमा युरिया मलको बढी माग साउनको अन्तिम हप्तादेखि शुरू भएको थियो । भदौको तेस्रो हप्ता पूरा हुँदा समेत मल आयात प्रक्रिया अनिश्चित छ । बजारमा मल अभाव भएको १ महिना नाघिसकेको अवस्था छ । सरकारले भने बंगलादेशबाट मल आयात हुने र बजार मागलाई धान्ने बताउँदै आएको छ ।
आयातको प्रक्रिया शुरू भएको १५–२० दिनमा बंगलादेशबाट नेपालमा मल आयात शुरू हुने मन्त्रालयका प्रवक्ता डा. केसी बताउँछन् । तर मल आयातको प्रक्रिया नै शुरू भएको छैन । उनी भन्छन्, ‘हामीले सक्दो छिटो गर्ने प्रयास गरेका छौं ।’
मल निर्यातका लागि बंगलादेशले नेपाललाई पत्र पठाइसकेको छ । पत्रमा कसरी आयात गर्ने, कहिलेसम्ममा आयात गर्ने र पैँचो फिर्ता कहिलेसम्म र कसरी गर्ने भन्नेबारे नेपालको धारणा मागिएको प्रवक्ता केसीले बताए । उनले भने, ‘हामीले प्रक्रिया तथा सबै कुरा उता सिफारिस गरेपछि आयातका लागि बाटो खुल्छ, जुन काम शुरू भइसकेको छ ।’
धानमा युरिया मल हाल्ने अन्तिम समय घर्किनै लागेको नेपाल सरकारका पूर्व सचिव एवं कृषि विज्ञ डा. हरि दाहालले लोकान्तरलाई बताए । ‘बंगलादेशबाट १ महिनाभित्रैमा मल आयात भए पनि यो सिजनको धानले त्यो मल नपाउने देखिन्छ,’ उनले भने, ‘आगामी १ महिनामा त धानमा चामल पसाउन शुरू भइसक्छ । धान किसानको लागि त्यो मल काम लाग्दैन ।’
आयात प्रक्रियाको नै टुंगो नभएको बंगलादेशको मल यसपालि किसानका लागि ‘आकाशको फल’ जस्तै हुने देखिएको छ ।
ठेकेदारले फसाउँदा किसानमाथि धोका
कोरोना महामारीका कारण मल अभाव भएको बताउँदै आएको कृषि तथा पशुपन्छी विकास मन्त्रालयले अहिले भने ठेकेदारको छलकपटका कारण किसानमाथि धोका भएको निष्कर्ष निकालेको छ । मल आयातको जिम्मा पाएका २ ठेकेदार कम्पनीले समयमा मल नल्याइदिँदा किसानमाथि धोका भएको प्रवक्ता डा. केसीले बताए । उनी भन्छन्, ‘खरिद नियमावली अनुसार हामीले ठेक्का दिनुपर्ने बाध्यता थियो, उनीहरूले कम मूल्यमा प्रस्ताव गरेका थिए । अहिले आएर उनीहरूले धोका दिए ।’
बजारमा अहिले साल्ट ट्रेडिङ कर्पोरेसनले ल्याएको युरिया मल वितरण भइरहेको छ । आइतवारसम्ममा १२ हजार मेट्रिक टनभन्दा बढी मल आयात भएको मन्त्रालयको भनाइ छ । ‘मल आयात भइरहेको छ, वितरण पनि भइरहेको छ, बिस्तारै समस्या हल हुन्छ,’ प्रवक्ता केसीले भने ।
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...