भारत र चीनबीच सीमामा चलिरहेको विवाद समाधान हुने कुनै लक्षण देखिएको छैन । 

आइतवार सैन्य कमान्डर स्तरको वार्ता परिणाममुखी रहेन । 

यसैबीच चिनियाँ सेना वास्तविक नियन्त्रण रेखा नजिक तनावग्रस्त क्षेत्रमा संख्या बढाउन थालेको छ । 

चार महिनाअघि दुई देशले तनाव भएका मोर्चामा सैन्य संख्या नबढाउने भनेका थिए तर चीनले अटेरी गरेको भारतको भनाइ छ । 

छैटौं चरणको वार्तापछि संयुक्त बयान जारी गर्दै सीमामा सैनिकहरूको संख्या नबढाउन र एकतर्फी रूपमा स्थिति परिवर्तन नगर्न दुई पक्षबीच सहमति बनेको थियो । 

तर चार महिनापछि पहिलेकै जस्तो स्थिति बनेको छ । 

चिनियाँ सैनिकको संख्या बढेपछि सीमामा भारतले पनि सैन्य संख्या बढाएको छ । 

लद्दाखमा अहिले माइनस ३० डिग्री तापक्रम छ । तर दुवै पक्षको संख्यामा कटौती भएको छैन । जाडोका कारण सीमामा शान्ति छ तर तनाव जारी छ ।