गृहमन्त्री रामबहादुर थापा बादलले बैतडीकी भागरथी भट्टको हत्यामा संलग्न अभियुक्त कानूनी कारबाहीको दायरामा आएको भन्दै अन्य घटनामा संलग्नहरूलाई कारवाहीको दायरामा ल्याउन प्रतिवद्ध रहेको बताएका छन् ।

उनले बुधवार निकै संवेदनशील रहेको यस घटनाको सफल अनुसन्धान गर्दै अभियुक्त पक्राउ गर्न सफल नेपाल प्रहरी सहितको टिमलाई धन्यवाद समेत दिएका छन् । 

गृहमन्त्री बादलले सबै प्रकारका महिला हिंसाका घटना नियन्त्रण गर्न गृहमन्त्रालय संवेदनशील रहेको बताएका छन् । 

उनले भनेका छन्, 'बैतडीकी भागरथी भट्टकाे हत्यामा संलग्न अभियुक्त कानुनी कारबाहीको दायरामा आएका छन् । निकै संवेदनशील रहेको यस घटनाको सफल अनुसन्धान गर्दै अभियुक्त पक्राउ गर्न सफल नेपाल प्रहरी सहितकाे टिमलाई धन्यवाद । सबै प्रकारका महिला हिंसाका घटना नियन्त्रण गर्न गृहमन्त्रालय संवेदनशील रहेको तथा यस्ता घटनामा संलग्नहरुलाई कारवाहिकाे दायरामा ल्याउन प्रतिवद्ध रहेकाे  दाेहराउन चाहन्छु ।'