पुष्पकमल दाहाल 'प्रचण्ड' र माधवकुमार नेपाल अध्यक्ष रहेको नेपाल कम्युनिस्ट पार्टी (नेकपा)ले अधिकांश जिल्लाको अध्यक्ष र सचिवको टुंगो लगाएको छ ।

प्रचण्ड र नेपालले शुक्रवार विभिन्न जिल्लाको अध्यक्ष र सचिवको टुंगो लगाएर आन्तरिक सर्कुलर जारी गरेका हुन् ।

प्रधानमन्त्री एवं नेकपा अध्यक्ष केपी शर्मा ओलीको गृहजिल्ला झापामा प्रचण्ड-नेपाल समूहले वेदराज रेग्मीलाई अध्यक्ष बनाएको छ । रेग्मी पूर्वएमाले पृष्ठभूमिका हुन् ।

सचिवको जिम्मेवारी मणि कुमार साङपाङले पाएका छन् । यसअघि नेकपा एकीकृत छँदा चिन्तन पाठक अध्यक्ष थिए । साङपाङ भने यसअघि पनि सचिव थिए ।

यस्तै इलामको अध्यक्षमा भक्त केसी र सचिवमा सोममाया राईलाई जिम्मा दिइएको छ ।