पाँच शब्दको एउटा ट्वीटका लागि २९ करोडको बोली !

ट्विटरका सहसंस्थापक तथा सीईओ ज्याक डोर्सीले गरेको पाँच शब्दको एक ट्वीट लिलाम बिक्रीमा राखिएको छ । 

यस ट्वीटलाई किन्नका लागि २९ करोड रुपैयाँसम्मको बोली लगाइएको छ । 
 


Advertisement

डोर्सीले ट्विटर खोलेपछिको यो पहिलो पोस्ट थियो । सन् २००६ को मार्च २१ मा गरिएको ट्वीटमा उनले ट्विटर अकाउन्ट तयार पारिरहेको (जस्ट सेटिङ अप माई ट्विटर) लेखेका थिए । 

ट्वीट बेच्ने एक वेबसाइटमार्फत यो ट्वीटको लिलामी भएको हो । त्यसलाई किन्ने व्यक्तिलाई डोर्सीको अटोग्राफसँगै ट्वीटको सर्टिफिकेट दिइनेछ । 


Advertisement

आइतवार बिहानसम्म डोर्सीको ट्वीटमा २९ करोडसम्मको बोली लागेको छ । 

मलेसियाको ब्रिज ओराकल नामक कम्पनीका सीईओ सीना इस्तवीले डोर्सीको ट्वीटका लागि यति ठूलो रकम दिन लागेका हुन् । 
 

डोर्सीको ट्वीट किन्नेले ट्वीटको डिजिटल सर्टिफिकेट पाउनेछ । 

आजकल भर्चुअल सामग्रीहरूको खरिदबिक्री गर्ने चलन बढेको छ । केही दिनअघि १० सेकेन्डको एक भिडियो क्लिपको बिक्री ७७ करोड रुपैयाँमा भएको थियो । 
 

एजेन्सी
एजेन्सी

लेखकबाट थप...

कमेन्ट गर्नुहोस्