प्रतिनिधि सभाका सभामुख अग्नि सापकोटाले हिउँदे अधिवेशन अन्त्यबारे सरकारले संसदसँग परामर्श नगरेको गुनासो गरेका छन् ।

संसद सचिवालय सिंहदरबारस्थित आफ्नै कार्यकक्षमा पत्रकारहरूसँग कुुरा गर्दै सभामुख सापकोटाले अधिवेशन अन्त्यको विषयमा सरकारले परामर्श नगरेको बताएका हुन् । 

‘प्रतिनिधिसभा अधिवेशन अन्त्यबारे सरकारले मसँग केही परामर्श गरेको छैन,’ सापकोटाले भने । सरकारको सिफारिसमा राष्ट्रपति विद्या भण्डारीले सोमवार दिउँसो १ बजेदेखि अधिवेशन अन्त्य गरिसकेकी छन् । 

प्रतिनिधि सभाको बैठक मंगलवार दिउँसो १ बजेका लागि तोकिएको थियो । मंगलवारको बैठकअघि कार्यव्यवस्था परामर्श समितिको बैठक राखेर अमेरिकी आर्थिक सहयोग कार्यक्रम मिलेनियम च्यालेन्ज कर्पोरेसन (एमसीसी) लाई प्रक्रियामा लैजानेबारे शनिवार दलहरूबीच सहमति भएको थियो ।