नेकपा एमाले पार्टी केन्द्रीय कार्यालयको सचिवको जिम्मेवारी केन्द्रीय सदस्य शेरबहादुर तामाङले सम्हालेका छन् । 

थापाथलीस्थित पार्टी कार्यालयमा आइतवार आयोजित कार्यक्रममा तामाङले पदभार ग्रहण गरेका हुन् । 

शुक्रवार बसेको एमाले महाधिवेशन आयोजक कमिटीको बैठकले तामाङलाई पार्टी कार्यालय सचिवको जिम्मेवारी तोकेको थियो । 

‘कार्यालय सञ्चलनलाई थप चुस्तदुरुस्त बनाउने, पार्टीका नेता र कार्यकर्ता बीचको अन्तरसम्बन्धलाई थप बलियो बनाउने प्रतिबद्धता व्यक्त गर्दछु,’ पदभार सम्हालेपछि तामाङले लेखेका छन् ।

उनलाई बाग्मती प्रदेश कमिटीको सह-इञ्चार्ज तथा सिन्धुपाल्चोक जिल्लाको इञ्चार्जको जिम्मेवारी पनि दिइएको छ ।