नेपाल मैत्रीपूर्ण फुटबलमा इराकसँग ६–२ गोलअन्तरले पराजित भएको छ । शनिबार राति इराकको बसरामा सम्पन्न खेलमा नेपाल इराकसँग पराजित बनेको हो । 

खेलको सातौं मिनेटमा इराकका कप्तान अली अब्दुल जहर खासिनले गोल गर्दै अग्रता लिए । तर, त्यसको एक मिनेट नबित्दै नेपालले बराबरी गोल फर्कायो ।

यसैगरी ३० औं मिनेटमा मनिष डाँगीको गोलमा नेपालले अग्रता लिएपनि ४० औं मिनेटमा इराकले बराबरी गोल फर्कायो। लगत्तै इराकले अर्को गोल थपेपछि नेपाल पहिलो हाफमा ३–२ को अवस्थामा पुग्यो । यस्तै पहिलो हाफको इन्जुरी समयमा इराकले अर्को गोल थपेपछि नेपाल दुई गोलले पछि पर्यो । 

यस्तै दोस्रो हाफमा नेपालले खेलमा फर्किन भरपूर प्रयास गरेपनि सफल भएन बरु थप दुई गोल खायो । नेपालले ६८ र ७४ औं मिनेटमा गोल खाएको हो।  

नेपालले कुवेत हुने फिफा विश्वकप २०२२ तथा एएफसी एसियन कप २०२३ को छनोटको तयारीका लागि इराकसँग मैत्रीपूर्ण खेल खेलेको हो।