ब्राजिलका राष्ट्रपति जाइर बोल्जोनारो बुधवार राजधानी ब्रासिलियास्थित सैन्य अस्पतालमा भर्ना भएका छन् ।

स्थानीय सञ्चारमाध्यम ग्लोबोले दिएको खबरअनुसार, बोल्जोनारोलाई बेस्सरी पेट दुखेपछि उपचारका लागि अस्पताल भर्ना गरिएको हो । 

सन् २०१८ मा राष्ट्रपति निर्वाचन अभियानमा बोल्जोनारोलाई पेटमा छुरा हानिएको थियो । त्यसले गर्दा उनको आन्द्रामा गम्भीर चोट लागेको थियो । उनलाई पेटको समस्याले बारम्बार सताउने गरेको छ ।