महन्थ ठाकुरले निर्वाचन आयोगमा पार्टीको नाम लोकतान्त्रिक समाजवादी पार्टी नेपाल दर्ता गराएका छन् ।  यसअघि जनता समाजवादी पार्टी (लोकतान्त्रिक ) प्रस्ताव गरिएकोमा शुक्रवार नाम परिवर्तन गरेर निवेदन दर्ता गराइएको कार्यकारिणी सदस्य केशव झाले बताए ।

ठाकुर अध्यक्ष रहेको उक्त पार्टीमा एक जना वरिष्ठ नेतामा शरतसिंह भण्डारीलाई समेत थपिएको उनले बताए । यसअघि वरिष्ठ नेतामा राजेन्द्र महतो मात्रै थिए । महतो र भण्डारी अब दुवै जना पार्टीमा वरिष्ठ नेता हुनेछन् ।

त्यसबाहेक २४ सदस्यीय कार्यकारिणी समितिमा सात जना महिलालाई थपेर ३१ सदस्यीय बनाइएको झाले बताए।

झाका अनुसार सुरीता साह, निलम बर्मा, पुष्पा ठाकुर, कमला कुमारी गुरुङ, निलम कुमारी यादव, प्रेमा चौधरी, रुक्मिणी कुमारी मण्डललाई कार्यकारिणी समितिमा थपिएको हो। उक्त पार्टीको चुनाव चिन्ह साइकल छाप भने यथावत् राखिएको छ।