×

X
Dabur
Nic Asia
Marvel

पौने अर्बको भवन एक वर्ष नबित्दै बेहाल

महान्यायाधिवक्ताको नयाँ भवनमा बस्न कर्मचारी नै त्राहिमाम, फल्स सिलिङ खस्दा धन्न जोगियो ज्यान

काठमाडाैं | भदौ २३, २०७८

TVS INSIDE

झण्डै पौने अर्ब रूपैयाँको लागतमा निर्माण गरिएको महान्यायाधिवक्ता कार्यालय भवनमा पानी चुहिने मात्र होइन कर्मचारीहरूको ज्यानै जोखिममा पर्ने खालका दुर्घटना समेत हुन थालेको पाइएको छ ।

IME BANK INNEWS
morang Auto yamaha

केही दिनअघि फल्स सिलिङ खस्दा लाइब्रेरीमा कार्यरत एक महिला कर्मचारी संयोगले मात्र सुरक्षित रहन सफल भएको तथ्य लोकान्तरले फेला परेको हो ।


Advertisment
NMB BANK
RMC TANSEN
Saurya island

केही दिनअघि लाइब्रेरी कक्षमा राखिएको फल्स सिलिङका दुई ब्लक ती महिला कर्मचारीको कार्यकक्षमा खसेको थियो ।

संयोगले त्यतिबेला उनी कार्यकक्षबाट बाहिर निस्किएको बेला परेकाले ज्यान जोगियो ।

Vianet communication
Maruti inside

'म सधैँ बस्ने कुर्सीको ठीकमाथिको फल्स सिलिङका दुईवटा भारी ब्लक खसेको थियो, सौभाग्यले त्यतिबेला म त्यो कुर्सीमा थिइनँ,' महान्यायाधिवक्ता कार्यालयको लाइब्रेरीमा कार्यरत कर्मचारी मुना अधिकारीले लोकान्तरसँग भनिन्, 'नत्र त्यो दिन त मेरो टाउकोमा नै भारी ब्लक खस्थ्यो । मेरो ज्यान नै पनि जान सक्थ्यो ।'

उनका अनुसार माथिबाट खसेका दुईवटा फल्स सिलिङ ब्लकको तौल करीब १० किलो बराबर छ । त्यसयता उनी कार्यकक्षमा छिर्नै डराउँछिन् ।

'सामान्य भूकम्प आएपनि भवन नै भत्किएला कि भन्ने डरले सताउने गर्छ,' उनले भनिन्, 'हतार–हतारमा ठेकेदारले ६ तले भवन बनायो, तर काम राम्रो गरेन ।'

पुस्तकालयमा पानीको सिपेज आइरहेको देखाउँदै उनले भनिन्, 'कहाँबाट पानी आउँछ, हामीले बुझ्नै सकेका छैनौं, कतिपय पुस्तक नै भिजेर बिग्रिएका छन् ।'

नयाँ बनेको कार्यालय भवनसँग डराउने उनी एक्ली कर्मचारी होइनन् ।

वर्ष दिन नबित्दै भएका दुर्घटना र बिग्रिएका संरचना देख्दा कतै भवन नै ढल्ने त होइन भनेर प्राय: कर्मचारी डराउने गरेका छन् ।

महान्यायाधिवक्ताको कार्यालय भवनको रेखदेख गर्दै आएका एक कर्मचारीले यसको दुरावस्थाबारे लोकान्तरसँग भने– 'बाहिर जमिन भासिएको छ । कम्पाउन्ड वाल भत्केर ढलेको छ । माथि छतको पानी चुहिने गरेको छ ।'

बाहिरबाट हेर्दा आकर्षक देखिने भवनभित्र थुप्रै कमीकमजोरी र समस्या रहेको उनले बताए । माथिका तलाहरूमा पनि झ्याल र ढोका भएर पानी कोठामा पस्ने गरेको उनको भनाइ छ ।

पानी नआउने ठाउँमा बोरिङ खन्दा अहिले दिनदिनै ट्याङ्करको पानी खरिद गर्नुपरिरहेको छ ।

'खानेपानीका लागि बोरिङ जडान त गरियो, तर त्यसमा कहिल्यै सफा पानी आएन । केही दिन लेदोसहितको कालो पानी मात्र आएको थियो, त्यसयता पानी आएको छैन,' उनले भने ।

यतिमात्र होइन, समस्या निकै छन् । भवनको लिफ्ट बिग्रिएकै ३ महिना भइसक्यो ।

कार्यालय पछाडि क्यान्टिनतर्फको ग्राउण्ड भासिएको छ । उत्तरतर्फको बाउन्ड्री वाल पूर्णरूपमा भत्किएर ढलेको छ ।

शौचालयमा जडान गरिएका अधिकांश सेन्सर धाराले काम गरेका छैनन् भने ठाउँ-ठाउँमा फिनिसिङको काम बाँकी नै छ।

बेसमेन्टमा चुहिएको पानी भरिएपछि पार्किङ गर्ने ठाउँ छैन ।

भदौ २१ गते भवनको छत चुहिएर पार्किङमा ताल जमेको समाचार लोकान्तरमा प्रकाशित भएपछि अख्तियार दुरुपयोग अनुसन्धान आयोगको टोलीले सोही दिन स्थलगत निरीक्षण गरेको थियो।

जमेको पानी मोटर लगाएर बाहिर फालिएको थियो । तर, त्यहाँ अझै पनि पानी निख्रिएको छैन ।

लिफ्ट बिग्रिनुको कारण पनि भवनमा छिरेको पानी नै भएको उनले बताए ।

'लिफ्ट बेसमेन्टसम्म पुगेको छ। तर लिफ्टमा बिट नै नलगाएका कारण त्यहाँ पानी पस्यो र बिग्रियो,' ती कर्मचारीले भने, '३ महिनादेखि लिफ्ट बन्द छ, तर ठेकेदार कम्पनीले हालसम्म मर्मत गरेको छैन ।'

शौचालयमा ह्यान्ड सेन्सरसहितका धारा जडान गरिएका छन्। त्यसमध्ये कतिपय धाराबाट हालसम्म पानी नै नआएको उनले बताए ।

१ अर्ब २२ करोड ३५ लाख ६ हजार ५०५ रुपैयाँ अनुमानित लागत लाग्ने भन्दै उक्त भवन निर्माण गर्नका लागि राष्ट्रिय पुनर्निर्माण प्राधिकरणले टेन्डर आह्वान गरेको थियो। २१ प्रतिशत बिलो गएको शर्मा एण्ड समानान्तर जेभीले ठेक्का हात पार्‍यो ।

७० करोड ९५ लाख ६७ हजार २१७ रुपैयाँको लागतमा भवन निर्माण गर्ने ठेक्का उक्त निर्माण कम्पनीले पाएको थियो । २०७५ असार ३१ गते सम्झौता गरिएको थियो। २०७७ पुस २९ गते निर्माण सम्पन्न गर्ने भनी सम्झौता गरिएपनि ठेक्काको म्याद सकिनुभन्दा २१ दिन पहिले नै २०७७ पुस ८ गते भवन उद्घाटन गरिएको थियो ।

छिटो काम सक्ने नाममा गुणस्तरमा ध्यान नदिइएको कर्मचारीहरूको गुनासो छ ।

कतिसम्म भने ग्राउन्डमा कम्प्याक्सनको काम समेत नगरी टायल बिच्छ्याएका कारण जमिन भासिएको राष्ट्रिय पुनर्निर्माण प्राधिकरणका इञ्जिनीयर निरञ्जन चौधरी स्वीकार्छन् ।

'भवन निर्माण सम्पन्न नहुँदै उद्घाटन गर्न हतार गरिएका कारण बाहिर जमिनको काम धेरै फास्ट भएको थियो,' चौधरीले भने, 'माटोको कम्प्याक्सनको काम नै नगरी टायल ओच्छ्याइएको थियो, परिणामस्वरूप अहिले त्यहाँ माटो भासिएको हो।'

खानेपानीका लागि डीप बोरिङ जडान गर्दा पानीको लेयर नै नभेटिएको उनले बताए। 'लेयर खोज्न अझ तलसम्म जान खोजिएको थियो तर फोहोर लेदो मात्र आयो, पानी आएन,' उनले भने ।

अहिले देखिएका सबै समस्या ठेकेदारले हल गर्नुपर्ने उनले बताए ।

'त्यतिबेला भवनको काम के कस्तो भयो भन्ने कुराको फाइनल फिनिसिङ नहुँदै भवन उद्घाटन गरेर सञ्चालनमा ल्याइएका कारण पनि धेरै समस्या देखिएको छ,' चौधरीले भने,' अहिले जुन-जुन स्थानमा समस्या देखिएको छ, ती सबै ठाउँमा ठेकदार कम्पनीले मर्मत सम्भार गर्नेछ ।'

त्यसकै लागि कुल सम्झौताको ५ प्रतिशत रकम होल्ड गरिएको उनले बताए ।

 


 

TATA Below
NLIC
साउन ७, २०७९

पछिल्लो समय युवा पुस्तामा निकै रुचाइएको रेस्टुरेन्ट हो ‘द बर्गर हाउस एण्ड क्राउन्ची फ्राइड चिकेन’ । युवाको समूहमा निकै लोकप्रिय बनेको रेस्टुरेन्ट काठमाडौं उपत्यकामा छ्याप्छ्याप्ती देखिन्छ । उपत्यका मात्...

साउन २०, २०७९

काठमाडौंका अधिकांश पुलहरू डम्पिङ साइटमा परिणत भएका छन् । सिसडोल क्षेत्रमा निर्माणाधीन सडक तथा स्थानीयको अवरोधका कारण बञ्चरेडाँडामा फोहोर लैजान नसकेको बहानामा करीब ३ महिनादेखि पुलमुनि फोहोर थुपार्न थालिए...

साउन ११, २०७९

नेपाली बजारमा २ वर्ष अघिदेखि आएको ‘हट एण्ड स्पाइसी’ (पीरो) चाउचाउले अहिले बजार पिटिरहेको छ । तयारी ‘नूडल्स’ खाने नेपाली बानीमा स्पाइसीले नयाँ स्वाद थपेको छ । मुलुकका ग्रामीण भेग...

साउन ८, २०७९

भक्तपुरको चाँगुनारायण नगरपालिका– ५ की १८ वर्षीय निशा निगल घाइते अवस्थामा भक्तपुरको इवामुरा अस्पतालमा उपचाररत छिन् । उनको खुट्टा फ्याक्चर भएर प्लास्टर गरिएको छ भने हातमा लतपतिएको रगत देख्न सकिन्छ । सुकि...

साउन २, २०७९

कैलालीकी रुपा देवकोटाको परिवारले पिउनका लागि अझै हाते पम्प (नल्का) को पानी प्रयोग गर्दै आइरहेकी छन् । हिउँद होस् या बर्सात सधैंजसो नल्काको पानी पिउने गरेको उनको परिवारलाई पानी सफा आएका शुद्ध नै होला भन्ने ला...

साउन १९, २०७९

पाँच वर्ष अघिसम्म ड्रागन फल आमनेपालीका लागि नौलो थियो । विदेश घुमेका र शहरमा बस्ने उच्च वर्गले मात्र यो फलको बारेमा जानकारी पाएका थिए ।  आमजनतालाई यो फलबारे न जानकारी थियो, न किन्ने पहुँच । जब एकजन...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

राजनीतिसँगका जनअपेक्षा– अवस्था बदल्ने कि नेता ?

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...

ad
x