हलचोकमा सशस्त्र प्रहरी महानिरीक्षक कप शुरू

सशस्त्र प्रहरी बलको प्रधान कार्यालय हलचोकमा सोमवारदेखि ‘सशस्त्र प्रहरी महानिरीक्षक कप २०७८’ शुरू भएको छ ।

प्रतियोगितामा फूटबल, भलिबल र एथलेटिक्सका विभिन्न विधामा खेलाडीबीच प्रतिस्पर्धा हुनेछ । 

प्रतियोगितामा १८ महिलासहित कूल ३५१ खेलाडीको सहभागिता छ । प्रतियोगितामा सशस्त्र प्रहरी बल प्रशिक्षण प्रतिष्ठान तथा सशस्त्र प्रहरी बल नेपालका बाहिनी मुख्यालयका १/१ टोलीसहित ९ समूह सहभागी छन् ।  

सशस्त्र प्रहरी अतिरिक्त महानिरीक्षक पुष्पराम केसीले फूटबलका राष्ट्रिय रेफ्री मधुकर आचार्यलाई खेलकुद सामग्री हस्तान्तरण गरी प्रतियोगिताको शुभारम्भ गरे ।