भारत र चीनबीच १४औं चरणको कुराकानी सकारात्मक परिणाम विना नै टुंगिएको छ । 

दुवै देशले लद्दाखमा एलएसीमा विवादलाई आपसी स्वीकार्य तरिकाले सुल्झाउनका लागि काम गर्ने निर्णय लिएका छन् । उनीहरूबीच छिट्टै अर्को चरणको वार्ता हुनेछ । 

यसैबीच भूउपग्रहीय तस्वीरमा देप्साङसँग जोडिएको क्षेत्रमा चीनले बंकर बनाइरहेको देखिएको छ । 

त्यहाँ छाउनी र सैनिकहरू बस्ने स्थान बनाइएको छ । त्यसले गर्दा देप्साङ र नजिकैको क्षेत्रमा चीनको पकड थप बलियो बनेको छ । 

भारतले चीनलाई गोगरा हट स्प्रिङबाट पछि हट्नका लागि सहमत गराउन सकेन । 

अनि दौलतबेग ओल्डी सेक्टरमा देप्साङ बुल्गेसम्म गश्ती गर्ने अधिकारमा पनि भारतले चीनलाई सहमत गराउन सकेन । 

भारतीय सेनाले पांगोङ तालमा चीनतर्फ बनाइएको पुलको विषय कुरा पनि उठाएको थियो । आफ्ना सैनिकहरूलाई छिटो तैनाथी गराउनका लागि चीनले उक्त पुल बनाएको हो । 

चीनले नयाँ सीमा कानून तथा द्रुत सैन्य तैनाथीका साथ भारतसँगको ३४ सय ८८ किलोमिटर लामो वास्तविक नियन्त्रण रेखालाई नियन्त्रण रेखामा परिणत गर्न लागेको छ ।