काठमाडौं कलंकीमा बसको ठक्करबाट एकजनाको मृत्यु भएको छ । 

काठमाडौं महानगरपालिका–१४, कलंकीस्थित सडकमा बा ६ ख १४५९ नम्बरको बसले प्रदेश ०२–०२८ प ७६१४ नम्बरको मोटरसाइकललाई गएराति ठक्कर दिँदा मोटरसाइकलमा सवार रुकुम बुढाउत्तर गाउँपालिका–१० का २१ वर्षीय संगीत बुढामगरको मृत्यु भएको हो ।

बसको ठक्करबाट गम्भीर घाइते बुढामगरको उपचारका क्रममा शहीद मेमोरियल अस्पतालमा मृत्यु भएको प्रहरी प्रधान कार्यालयले जनाएको छ । 

उक्त दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ । दुर्घटनापछि  फरार बस चालकको खोजी भइरहेको प्रहरीले जनाएको छ ।