कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
मुलुकमा संघीयता कार्यान्वयनसँगै लुम्बिनी प्रदेश सभा स्थापनाको शुक्रवार ४ वर्ष पूरा भएको छ । २०७४ माघ २१ गते प्रदेश सभाको पहिलो बैठक बसेको थियो । ज्येष्ठ सदस्यका हैसियतले नेपाली कांग्रेसका तत्कालीन संसदीय दलका नेता स्व. बलदेव शर्मा पोखरेलले सभाध्यक्षको भूमिका निभाएका थिए ।
संघीयताको पहिलो जग प्रदेशसभा स्थापनापछि बनेका सरकारले चार वर्षमा जनतालाई प्रत्यक्ष अनुभूति हुने काम गर्न सकेको देखिएन । सत्ता स्वार्थ, अन्यौल र संघमा जस्तै सत्ता फेरबदलको भूमरीमा प्रदेश सभा परिरह्यो । यो अवधिमा प्रदेश सभाले पेचिलो बनेको प्रदेशको स्थायी राजधानी र नामकरण टुंगो लगायो । सत्ता फेरबदल, संसद् अवरोध र दल परित्यागका खेल भए ।
२०७७ असोज २० गते लुम्बिनी प्रदेशको स्थायी राजधानी दाङको भालुवाङ र नाम लुम्बिनी प्रदेश सभाको दुईतिहाइ बहुमतले पारित गरेको थियो ।
राजधानी टुंगो लगाउँदा नेकपा विभाजन भइसकेको थिएन । त्यसको प्रत्यक्ष फाइदा प्रदेश सभाका एमाले संसदीय दलका नेता तथा निवर्तमान मुख्यमन्त्री शंकर पोखरेलले लिए । पोखरेल अहिले एमाले महासचिव पनि हुन् ।
चार वर्षमा प्रदेश सभाका १८८ वटा बैठक बसेको प्रदेशसभा सचिवालयका सूचना अधिकारी दिनेश अधिकारी बताउँछन् ।
२०७४ माघ २१ गतेदेखि २०७८ मंसिर १ सम्म प्रदेशमा ९ वटा अधिवेशन भए । पहिलो अधिवेशनमा २२, दोस्रोमा २८, तेस्रोमा ३३ वटा बैठक बसे ।
त्यसैगरी चौथोमा ३२, पाँचौंमा १०, छैटौंमा ३१, सातौंमा ५, आठौंमा १४, विशेष अधिवेशनमा १ र नवौँ अधिवेशनमा १२ वटा बैठक बसे ।
त्यस्तै प्रदेश सभाले ६७ वटा विधेयक सभाबाट पारित गरेको अधिकारीले जानकारी दिए । उनका अनुसार प्रदेश सभा स्थापनादेखि अहिलेसम्म ७४ विधेयक दर्ता भएका छन् ।
तीमध्ये सभामा पेश हुन बाँकी १, सचिवालयबाट फिर्ता १ र सभाबाट फिर्ता भएका ३ वटा विधेयक छन् ।
२ वटा विधेयक विचाराधीन अवस्थामा छन् ।
एमालेका शंकर पोखरेल नेतृत्वको सरकार अल्पमतमा ढलेपछि माओवादी केन्द्र नेतृत्वको पाँच दलीय गठबन्धन सरकार बन्यो । त्यसयता संसद् चल्न सकेको छैन ।
मुख्यमन्त्री कूलप्रसाद केसीले संसद् खुलाउन चासो नदिएको नेताहरू बताउँछन् ।
प्रमुख प्रतिपक्षी एमालेले सूर्य चिन्ह्रबाट निर्वाचित पश्चिम नवलपरासीका अजय शाही र दाङबाट उपनिर्वाचन जितेकी विमला वलीलाई सभामुख पूर्णबहादुर घर्तीले पदमुक्त नगर्दासम्म संसद् चल्न नदिने अडानसहित ६ महिनादेखि संसद् अवरुद्ध पार्दै आएको छ । शाही र ओली अहिले गठबन्धन सरकारका मन्त्री र राज्यमन्त्री छन् ।
६ महिनादेखि चल्न नसकेको संसदलाई चलाउने विषयमा सत्ता र प्रतिपक्ष दुवै जिम्मेवार देखिएका छैनन्, जसले गर्दा सभामुख घर्तीलाई हाइसञ्चो जस्तै भएको छ ।
नेकपा एमाले प्रदेश सभाका प्रमुख सचेतक भूमिश्वर ढकालले वली र शाहीलाई पदमुक्त नगर्दासम्म संसद् चल्न नदिने दाबी गरे ।
उनले एमालेप्रति सभामुख र सरकारले प्रतिशोध साँधेको आरोप लगाए । शाहीले आफू स्वतन्त्र र वलीले नेकपाबाट निर्वाचित भएपछि माओवादी रोजेको भन्दै बताउँदै आएका छन् ।
मिनी संसद् मानिने प्रदेश सभाका विषयगत समिति निस्क्रिय छन् । समितिका सभापति नै मन्त्री बनेका छन् ।
विषयगत समितिहरूमा छलफल नहुँदा कानून निर्माण र सरकारका कामको अनुगमन र विश्लेषण हुन सकेको छैन ।
सरकारका प्रवक्ता तथा आन्तरिक मामिला तथा सञ्चार मन्त्री तिलकराम शर्मा एमालेको अवरोधका कारण प्रदेश सभाका काम प्रभावित भएको बताउँछन् ।
शर्माले केही दिनमा सहमतिमा प्रदेश सभाको अधिवेशन आह्वान हुने बताए ।
कांग्रेस र माओवादीले प्रदेश सभाको बाँकी कार्यकाल सरकारको नेतृत्व आलोपालो गर्ने भद्र सहमति गरेको भन्दै फेरि सत्ताको खेल शुरू भएको छ ।
कांग्रेसले आफ्नो नेतृत्वमा सरकार बनाउन छलफल अगाडि बढाएको छ ।
कांग्रेस संसदीय दलका प्रमुख सचेत फकरुद्धिन खानले फागुन दोस्रो सातापछि कांग्रेसको नेतृत्वमा सरकार बनाउने गरी छलफल भइरहेको बताए ।
मन्त्री शर्माले तत्काल लुम्बिनी प्रदेश सरकार परिवर्तनको सम्भावना नभएको दाबी गरे ।
८७ प्रदेश सभा सदस्यमा अहिले एमालेका ३६, कांग्रेसका १९, माओवादी केन्द्रका १९, जनता समाजवादीका ४, एकीकृत समाजवादीका १, राष्ट्रिय जनमोर्चाका १ र स्वतन्त्र १ गरी ८१ जना सदस्य छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...