एमसीसीका केही प्रावधान संशोधन गर्नुपर्ने समाजवादी प्रेस संगठनको माग

समाजवादी प्रेस संगठन नेपालले मिलेनियम च्यालेन्ज कम्प्याक्ट (एमसीसी) सम्झौतामा रहेका केही प्रावधान संशोधनको माग गरेको छ । 

संगठनको सचिवालय बैठकले एमसीसीका केही बुँदा संशोधनका लागि दबाब सिर्जना गर्ने निर्णय गरेको हो ।

नेकपा (एकीकृत समाजवादी)का मोर्चा संगठनले राष्ट्र हितको पक्षमा आवश्यक संशोधन गरी संसदबाट अनुमोदनका लागि उचित वातावरण सिर्जना गर्ने उद्देश्यले आगामी फागुन १ गते सबै जिल्ला सदरमुकाममा गर्न लागेको दबाब तथा चेतनामूलक प्रदर्शनमा सो प्रेस संगठनले संस्थापक सदस्य, प्रदेश कमिटी, जिल्ला कमिटीलाई सहयोग गर्न परिपत्र गरेको महासचिव भूपराज खड्काले जानकारी दिए ।