रुसलाई युक्रेनमाथिको युद्ध तत्काल रोक्न आग्रह गर्दै काठमाडौंमा प्रदर्शन गरिएको छ । 

युक्रेनी जनता तथा युक्रेनमा रहेका सबै मानिसको जीवन रक्षाको आह्वानसहित मानव अधिकार तथा शान्ति समाज काठमाडौं शाखाले सोमवार प्रदर्शन गरेको हो । 

काठमाडौंको बौद्धनाथ अगाडि गरिएको प्रदर्शनमा शान्तिवादीहरूले रुसले युक्रेनमाथि गरेको आक्रमणको विरोधमा हातमा कालोपट्टी बाँधेका थिए । साथै हातमा मैनबत्ती बोकेर युक्रेनी जनता तथा युक्रेनमा रहेका सबै मानिसको जीवन रक्षाका लागि आह्वान गरेका थिए ।

यस्तै मोरङ शाखाले फागुन १३ गते विराटनगरमा र दाङ शाखाले फागुन १५ गते तुलसीपुरमा प्रदर्शन गरेको शान्ति समाजले जनाएको छ ।