नेकपा एकीकृत समाजवादी (एस) पार्टीका अध्यक्ष माधवकुमार नेपालले आफ्नो पार्टीको अस्तित्व समाप्त पार्ने नेकपा एमाले अध्यक्ष केपी शर्मा ओलीको षड्यन्त्र चुड्कीको भरमा समाप्त पारेको बताएका छन् । 

मंगलवार काठमाडौंमा आयोजित पत्रकार सम्मेलनमा उनले फागुन १ गतेमा नै आफ्नो पार्टीको अस्तित्व समाप्त पार्ने षड्यन्त्र तयार भएको दाबी गरे । 

नेपालले भने, ‘हामीलाई निमिट्यान्न पार्न खोज्ने षड्यन्त्रहरू एकै मिनेटमा चुड्की बजाएर समाप्त पारिएको छ,’ उनले भने, ‘फागुन १ गतेको षड्यन्त्र त्यस्तै थियो । त्यही दिन हाम्रो पार्टीको अस्तित्व समाप्त पार्ने षड्यन्त्र भएको थियो ।’ 

एकीकृत समाजवादीका अध्यक्ष नेपालले एमसीसीलाई लिएर अनेक शंका भए पनि व्याख्यात्मक घोषणापछि ढुक्क भएको बताएका छन् ।