एमाले नेता भीम रावलले प्रधानमन्त्री शेरबहादुर देउवाले सार्वजनिक तथ्यको जानकारीसमेत नराखेर झुट बोलेको आरोप लगाएका छन् । 

आफू उपप्रधानमन्त्री तथा रक्षामन्त्री भएका बेला संसदमा एमसीसीसँगको सम्झौता पेश नभएको उनले दाबी गरेका हुन् । 

‘म केपी ओलीजी पहिलोपटक प्रम भएका बेला उपप्रम र रक्षामन्त्री थिएँ, प्रम ओलीले एमसीसीसँगको सम्झौता संसदमा ल्याएको बेला होइन,’ ट्वीटरमा उनले लेखेका छन्, ‘अतः मेरो मन्त्रिपरिषद्मा सहमति रहेको भन्ने कुरै रहेन । यस्तो सार्वजनिक तथ्यको जानकारीसम्म नराखी झुटा बोल्ने प्रधानमन्त्रीको या त आफ्नै दिमाग खुस्केर होस् हराएको हुनुपर्छ या जनतामा भ्रम छरेर देशहितविरुद्धको कृत्य छोप्ने कुत्सित चाल हुनुपर्छ ।’

देउवाले सोमवार नुवाकोटमा भीम रावलप्रति आक्रोश व्यक्त गर्दै  मन्त्री रहेका बेला एमसीसी पास गर्ने रावलले अहिले विरोध गरिरहेको भन्दै आपत्ति जनाएका थिए । 

प्रमं देउवाले नुवाकोटमा मेरो बारेमा दिएको अभिव्यक्ति कति झुठा र उदण्डतापूर्ण छ, तथ्य हेरौं : pic.twitter.com/7aoA854K9I

— Dr. Bhim Rawal (@BhimRawal179) March 14, 2022