नेकपा (एमाले)ले बुधवार संसदीय दलको बैठक आह्वान गरेको छ । 

संसद अधिवेशन अन्त्य भएको भोलिपल्ट नै एमालेले दलको बैठक डाकेको हो । 

बैठक दिउँसो ३ बजे संघीय संसद भवनको ल्होत्से हलमा बस्ने प्रमुख सचेतक विशाल भट्टराईले जानकारी दिए । 

उनका अनुसार बैठकमा समसामयिक विषय र प्रधानन्यायाधीश चोलेन्द्रशमशेर जबराविरुद्धको महाभियोगका विषयमा छलफल हुनेछ । 

संसद अधिवेशन शुरू हुनुअघि र अन्त्य भइसकेको भोलिपल्ट एमालेले संसदीय दलको बैठक बोलाउने गरेको छ । 

बुधवार बस्ने भनिएको संसद् बैठकमा प्रधानन्यायाधीश चोलेन्द्रशमशेर जबराविरुद्धको महाभियोग प्रस्तावमाथि छलफल गर्ने कार्यसूची तय भएको थियो । तर, सरकारले महाभियोग टुंगो नलगाइ संसद् अधिवेशन अन्त्य गर्ने निर्णय गरेको हो ।