स्थानीय निर्वाचनः वैशाख ११ र १२ मा मनोनयन दर्ता, १७ गते चुनाव चिह्न प्रदान

स्थानीय निर्वाचनका लागि वैशाख ११ र १२ गते उम्मेदवारको मनोनयन दर्ता हुने भएको छ ।  

वैशाख ३० गते हुने चुनावका लागि निर्वाचन आयोगले शुक्रवार निर्वाचन कार्यक्रम स्वीकृत गर्दै मनोनयन दर्ताका लागि दुई दिन छुट्याएको हो । 

वैशाख १२ गते नै मनोनयन दर्ता भएको उम्मेदवारको सूची प्रकाशन गर्ने, वैशाख १३ मा उजुरी दिने, वैशाख १४ र १५ मा मनोनयनपत्र जाँच गर्ने र उजुरीमाथि जाँचबुझ गरी निर्णय गरिने आयोगले जनाएको छ । 

आयोगका अनुसार वैशाख १५ गते नै मनोनयन भएको उम्मेदवारको नामावली प्रकाशन गर्ने, वैशाख १६ गते उम्मेदवारले नाम फिर्ता लिने र उम्मेदवारको अन्तिम नामावली प्रकाशन गर्ने तथा वैशाख १७ गते उम्मेदवारलाई निर्वाचन चिह्न प्रदान गर्ने कार्यक्रम छ ।