बार एशोसियसन मतगणना अपडेटः घिमिरेको ५१९ र अधिकारीको २६२

नेपाल बार एशोसिएसनको नयाँ नेतृत्वका लागि भइरहेको मतगणनामा सत्तारुढ गठबन्धनमा रहेका राजनीतिक दल निकट कानून व्यवसायीको अग्रता कायम छ ।

साढे ४ बजेको मतगणना परिणामअनुसार गठबन्धनका अध्यक्षका उम्मेदवार गोपालकृष्ण घिमिरेले ५१९ मत प्राप्त गरेका छन् ।

त्यसै गरी नेकपा एमाले निकट प्रगतिशील तथा पेशागत कानून व्यवसायी संगठनका अध्यक्षका उम्मेदवार विष्णुमणि अधिकारीले २६२ मत प्राप्त गरेका छन् ।

नेपाल बार एशोसिएसनका महासचिव लीलामणि पौडेलले दिएको जानकारीअनुसार महासचिवमा गठबन्धनका उम्मेदवार अञ्जिता खनालले ४७१ मत र प्रगतिशीलका केदार कोइरालाले ३११ मत ल्याएका छन् ।