भैरहवाबाट काठमाडौं उड्ने क्रममा बुद्ध एयरको जहाजमा समस्या देखिएको छ । शनिबार उडान नम्बर ८५६ को जहाज भैरहवाबाट काठमाडौं उडान भर्ने क्रममा विमानस्थलमा रोलिङका क्रममा टायर ‘फ्लायट’ भएको बुद्ध एयरले जनाएको छ । 
टायर ‘फ्लायट’  हुनासाथ यात्रुहरूलाई तत्काल सुरक्षित रूपमा जहाजबाट ओरालेर अर्को जहाजबाट काठमाडौं पठाइएको बुद्ध एयरले जानकारी दिएको छ ।  सुरक्षित उद्धारका लागि कम्पनीले हरेक स्टेशनमा नियमित अन्तरालमा पूर्वाभ्यासहरु गरिरहेका हुने भन्दै हरेक वर्ष सेप्टेम्बर २५ मा ईआरपी टिमको नेतृत्वमा वृहत ड्रिल गर्दै आएको जनाएको छ । 

बुद्ध एयरले काठमाडौंबाट गएको प्राविधिक टोलीले जहाजलाई रनवेबाट केही समयमै ट्याक्सी वेमा ल्याएर सुक्ष्म चेकजाँच गरिरहेको जनाएको छ ।