रुपन्देहीको सैनामैना नगर कार्यपालिकाको सबै ८ पदमा नेकपा एमालेका उम्मेदवारहरू विजयी भएका छन् ।

शुक्रवार भएको कार्यपालिका निर्वाचनमा एमालेका सबै उम्मेदवारहरू विजयी बनाउन सफल भएको एमालेले जनाएको छ ।

सैनामैना नगरपालिकामा नगर प्रमुखसहित ४ वडाध्यक्ष र १२ जना वडा सदस्य गरी १७ जनाले जितेको सत्ता गठबन्धन कार्यपालिकामा भने अल्पमतमा परेको छ । 

एमालेले उपप्रमुखसहित ७ वडाध्यक्ष र ३२ जना वडा सदस्य जितेको थियो । 

निर्वाचनबाट एमालेका टेकबहादुर विश्वकर्मा, डोलबहादुर सार्की, सुरज बराल दुर्गामाया श्रेष्ठ, मनकुमारी राई, मायादेवी विक, मीरा क्षेत्री र सीता थारु निर्वाचित भएका छन् । 

सैनामैनाको १७ सदस्यीय कार्यपालिकामा १२ जना नेकपा एमालेले हात पारेको छ भने सत्ता गठबन्धन ५ जना सदस्यमा सीमित भएको छ । 

यसै गरी ६० सदस्यीय नगर सभामा एमाले ४३ मतका साथ बहुमतमा रहेको र गठबन्धनको १७ जना सदस्य रहेको एमाले नेता नरबहादुर घर्ती मगरले बताए ।