भूमि व्यवस्था, सहकारी तथा गरीबी निवारण मन्त्री शशी श्रेष्ठले कालापानी, लिपुलेक र लिम्पियाधुरा क्षेत्रको भूमिलाई भोगचलनमा ल्याउने प्रयास भइरहेको बताएकी छन् । 

संसदमा प्रस्तुत भएको बजेटबारे मन्त्रालयगत छलफलमा उठेका प्रश्नको जवाफ दिँदै मन्त्री श्रेष्ठले कालापानी, लिपुलेक र लिम्पियाधुरालाई भोगचलनमा ल्याउने प्रयास भइरहेको बताएकी हुन् । 

ती भूमी नेपालको हो भन्नेमा शंका नगर्न पनि उनले सांसदहरूलाई आग्रह गरेकी छन् । 

‘संसदबाट कालापानी, लिपुलेक र लिम्पियाधुरा लगायतका भूभाग नेपालको सार्वभौम भूमि रहेको विषय एकमतले पारित भइसकेको  विषयमा शंका, उपशंका गरिरहनुपर्ला र ?’ उनले भनिन् ।