नेकपा एमालेका नेता भीम रावलले कविता लेख्दै एसपीपीको विरोधदेखि सरकारमा रहेका मन्त्रीसम्मलाई व्यंग्य गरेका छन् । 

‘रक्षक नै भक्षक’ शीर्षकको कवितामा उनले एसपीपीको विरोध र सरकार कामकारबाहीमाथि प्रश्न उठाएका छन् । 

उनले राजधानी र राजनीतिक फोहोर भएको भन्दै कूटनीति झन् फोहोर भएको बताएका छन् । यस्तै उनले मन्त्री भन्ने त हुल्याहा जसरी मुखछाड्ने गरेको आरोप पनि लगाए । उनले पर्यटनमन्त्री प्रेम आलेलाई इंगीत गर्न खोजेको सहजै बुझिन्छ । 

त्यस्तै उनले देशको स्वाधीनता दाउमा राखेर एमसीसी पास गरेको र एसपीपीको मुनि देशलाई छिराउने खोजेको भन्दै सरकारको आलोचना गरेका छन् । उनले रक्षक नै भक्षक भएपछि बाँच्ने कसरी भनेर प्रश्न पनि गरेका छन् ।