नेपाल नागरिक उड्डयन प्राधिकरणका महानिर्देशक प्रदीप अधिकारीले हवाई सेवा अत्यावश्यक भएको भन्दै उडान बन्द गरे सञ्चालकहरूलाई पक्राउ पुर्जी जारी गर्दै वायुसेवा सञ्चालन अनुमति (एओसी) नै खारेज गरिने चेतावनी दिएका छन् । 
वायुसेवा सञ्चालकहरूले सरकारी निर्णयलाई चुनौती दिँदै आन्दोलनको धम्की दिन थालेपछि उनले यस्तो बताएका हुन् । उनले भने, ‘जहाजको बेस व्यवस्थापन निर्देशनको पालना गर्नु वायुसेवा सञ्चालकको कर्तव्य हो, अटेर गरे कानुनबमोजिम प्रस्तुत हुन्छौँ ।’ 

यद्यपि गएराति सम्पन्न वार्तापछि वायु सेवा सञ्चालकहरु आन्तरिक उडान नियमितरुपमा सञ्चालन गर्न सहमत भएका छन् । वायुसेवा सञ्चालक सङ्घले बुधबार बिहान ११ बजेपछि सबै उडान सञ्चालन गर्ने जनाएको हो । 

मङ्गलबार प्राधिकरणले जारी गरेको जहाजको बेस व्यवस्थापन निर्देशनविरुद्ध वायुसेवा सञ्चालकहरू असन्तुष्ट बनेका हुन् ।