अख्तियार दुरुपयोग अनुसन्धान आयोगले एकजना पूर्व गाविस सचिव विरुद्ध भ्रष्टाचारसम्बन्धी मुद्दा दर्ता गरेको छ । 

अख्तियारले सर्लाहीको साविक सलेमपुर गाविसका तत्कालीन सचिव ध्रुवनारायण झा विरुद्ध विशेष अदालतमा मुद्दा दर्ता गरेको हो । उनले ७ लाख ५१ हजार रुपैयाँ भ्रष्टाचार गरेको अख्तियारको ठहर छ । 

उनले तत्कालीन गाविसमा विभिन्न योजना कार्यान्वयन एवं सेवा प्रवाहमा अनियमितता गरेको अख्तियारको दाबी छ । तत्कालीन सचिव झाले सो बराबरको रकम विभिन्न व्यक्तिका नाममा भुक्तानी दिएको विवरण बनाई भ्रष्टाचार गरेकाले मुद्दा दर्ता गरिएको अख्तियारका प्रवक्ता श्यामप्रसाद भण्डारीले जानकारी दिए । उनीसँग सोही रकम बराबरको बिगोसहित सजायको माग दाबी गरिएको छ ।