नेकपा एकीकृत समाजवादीकी सांसद रामकुमारी झाँक्रीले गैर नेपाली छोरीले बिहे गरेको पुरुषलाई पनि वैवाहिक अंगिकृतको नागरिकता दिनुपर्ने बताएकी छन् । 

‘राज्यविहीन भएकोलाई यो विधेयक आवश्यक थियो त्यसको लागि सरकारलाई धन्यवाद दिन चाहन्छु,’ झाँक्रीले शुक्रवार संसद्मा नागरिकता विधेयकबारेका छलफलमा भाग लिँदै भनिन्, ‘नेपाली छोराले गैर नेपालीसँग बिहे गर्दा तुरुन्त नागरिकता दिने प्रावधान राखेका छौँ । त्यसरी नै वैवाहिक अंगिकृतको सन्दर्भमा छोरीले पनि बिहे गरेको गैर नेपालीलाई पनि आजको आजै नागरिकता दिनुपर्छ ।’

उनले नागरिकताका विषय उठाएर सम्झौता गर्ने गरिएको बताएकी छन् । हरेक राजनीतिक परिवर्तन पछि नागरिकताको विषय उठाएर देशी विदेशी शक्तिसँग विभिन्न सम्झौता गर्ने गरिएको उनको भनाइ छ ।